Casgliadau Arlein

Y tlws godidog yma yw man cychwyn ein henwogrwydd am ganu corawl. Dyma oedd prif wobr cystadleuaeth i gorau mawr a gynhaliwyd ddwywaith yn Crystal Palace, Llundain, ym 1872 a 1873. Enillodd y Côr Mawr, 460 o leisiau o gymoedd diwydiannol y de, y gystadleuaeth y ddau dro. Daeth arweinydd y côr yn arwr ac ers hynny, mae’r cwpan yn enwog trwy Gymru benbaladr fel Cwpan Caradog. Fe’i defnyddiwyd yn dlws ar gyfer Gŵyl Genedlaethol flynyddol y Bandiau Pres rhwng 1900 a 1938.