Casgliadau Celf Arlein
Myrddin ac Arthur [Merlin and Arthur]
JOHN, Sir William Goscombe (1860 - 1952)
Cyfrwng: efydd
Maint: 61.0 cm
Derbyniwyd: 1932; Rhodd; Syr William Goscombe John
Rhif Derbynoli: NMW A 127
Ar droad y 19eg ganrif gwelwyd adfywiad yn y diddordeb yn nelweddau a chwedloniaeth y Celtiaid yng Nghymru. Y cerflun efydd hwn, a arddangoswyd yn yr Academi Frenhinol ym 1902, yw unig waith John ar thema Arthuraidd. Yn ôl chwedloniaeth ganoloesol, bu'r bardd a'r dewin Cymreig, Myrddin, yn cynorthwyo Uthr Bendragon wrth iddo hudo Yguerne, gwraig Dug Cernyw. Traddodwyd y plentyn a ddeilliodd o'u perthynas, y Brenin Arthur yn ddiweddarach, i ofal Myrddin. Mae ystum a gwisg y cerflun hwn yn dangos dyled i Rodin, yn arbennig ei gerfluniau anferth o Bwrdeisiaid Calais.
Nid yw sylwadau ar gael ar hyn o bryd. Ymddiheuriadau am yr anghyfleustra.