Casgliadau Celf Arlein

Mae’r dafnau byrion o baent yn cyfleu prysurdeb y farchnad. Mae’r darnau moel yn dangos lle’r oedd Boudin wedi brysio er mwyn creu’r argraff o’r foment arbennig. Yn wahanol i’w olygfeydd modern o’r traeth, mae’r paentiad hwn yn dangos cymuned wledig draddodiadol. Tua diwedd y bedwaredd ganrif ar bymtheg, roedd llu o artistiaid yn treulio’u hamser yng nghefn gwlad Llydaw a Normandi fel ymwelwyr artistig.