Casgliadau Celf Arlein

Pan orchmynnoedd Pharo ladd pob bachgen a aned i'r Israeliaid, cafodd Moses ei guddio gan ei fam mewn basged o frwyn ar Afon Nil. Yno cafodd ei ddarganfod a'i fabwysiadu gan ferch Pharo. Yn ôl traddodiad Cristnogaeth ystyrid mai Moses oedd rhagflaenydd Crist, a byddid yn cymharu ei ddihangfa â hanes Iesu yn ffoi i'r Aifft. Mae'r plas yn y cefndir wedi ei seilio ar un mewn mosaic Rhufeinig ym Mhalesteina a oedd wedi ei gloddio ychydig flynyddoedd ynghynt. Ar y dde mae personoliad o Afon Nil. Mynegir hapusrwydd y digwyddiad drwy liwiau llachar y llenni llawn a mynegiant y ffigyrau. Cafodd y llun ei gomisiynu gan Reynon, masnachwr sidan o Lyon, ac wedyn daeth yn eiddo i Clive o India (1725-74). Cafodd ei etifeddu wedyn gan Ieirll Powys.