Casgliadau Celf Arlein

Sir Watkin Williams-Wynn (1749-1789) a Henrietta (Somerset), y Foneddiges Williams-Wynn (1748-1769) [Sir Watkin Williams-Wynn (1749-1789) and Henrietta (Somerset), Lady Williams-Wynn (1748-1769)]

REYNOLDS, Sir Joshua (1723 - 1792)

Sir Watkin Williams-Wynn (1749-1789) a Henrietta (Somerset), y Foneddiges Williams-Wynn (1748-1769)

Cyfrwng: olew ar gynfas

Maint: 253.5 x 167.4 cm

Derbyniwyd: 1998; Prynwyd

Rhif Derbynoli: NMW A 12965

Casgliad: Casgliad Syr Watkin Williams-Wynn

Mae Syr Watkin Williams-Wynn a Henrietta, ei wraig yn darlunio Syr Watkin Williams-Wynn, yn ugain oed, gyda'i wraig yr Arglwyddes Henrietta Somerset. Priodwyd y cwpl ar 11 Ebrill 1769 a bu hi farw ar 24 Gorffennaf yr un flwyddyn. Roedd Henrietta Somerset yn ferch i gyfaill a chydymaith gwleidyddol ei dad, y 4ydd Ddug Beaufort.

Darlunnir y cwpl yn eu llawn faint mewn gwisgoedd du a phinc gan Van Dyck sy'n gweddu i'w gilydd, ac maent yn gafael mewn masgiau theatrig mewn lleoliad pensaernïol gyda llenni, ger ffiol anferth. Mae'n debyg bod y llun wedi ei gychwyn fel portread priodas, er ei bod yn annhebygol iddo gael ei orffen cyn marwolaeth yr Arglwyddes Henrietta ar 24 Gorffennaf 1769. Eisteddodd Williams-Wynn i Reynolds ym mis Chwefror 1769, a'i ddyweddi ym mis Mawrth, a Syr Watkin unwaith eto ym mis Awst. Mae'r wisg ddu sydd gan y ffigyrau yn awgrymu ei fod wedi ei orffen fel portread coffa wedi marwolaeth Henrietta Williams-Wynn.

Mae'r Arglwyddes Henrietta yn sefyll mewn ffordd sy'n gyffredin ym mhortreadau Reynolds o ferched, sy'n deillio o arferion stiwdio ei feistr Thomas Hudson. Mae agwedd Syr Watkin yn cyfuno dau brototeip clasurol: ffigwr melancolaidd o arch garreg yr Awen, a ysgythrwyd ym 1747 ac sydd yn awr yn y Louvre, a'r Hercules Farnese, fu yn Rhufain hyd 1787, ac sydd yn Naples yn awr. Yn ei Discourses, roedd Reynolds yn canmol yr Hercules fel un o'r tri math delfrydol o harddwch gwrywaidd ('cryfder cyhyrog' yn hytrach na 'gweithgaredd' a 'thynerwch'). Yn sicr hwn oedd y math oedd agosaf at siâp byr a chadarn Syr Watkin. Mae'r ffiol yn y cefndir o fath sy'n ymddangos mewn nifer o bortreadau gan Reynolds, ac mae wedi ei gopïo o ysgythriad o'r ail ganrif ar bymtheg gan G.B. Galestruzzi yn dilyn Polidoro da Caravaggio.

Mae'r ddau yn y llun yn gwisgo gwisgoedd 'Vandyck', oedd yn ffasiynol o'r 1740au ac roeddynt yn parhau i ymddangos mewn portreadau Prydeinig trwy'r 1770au. Roedd gan Syr Watkin ddiddordeb angerddol yn y theatr, ac mae nifer o gyfeiriadau at wisgoedd 'masquerade' yng nghyfrifon y teulu Williams-Wynn.

sylw (3)

Nid yw sylwadau ar gael ar hyn o bryd. Ymddiheuriadau am yr anghyfleustra.
Graham Davies
14 Hydref 2013, 11:56
Dear Donato,
Many thanks for pointing out these typos, we have corrected the text now,
Graham Davies, Online Curator.
Dr. Donato Esposito
13 Hydref 2013, 21:08
I am afraid there are 2 typos in this entries. In the third paragraph 'dervies' should be 'derives' and 'seventeenth century engraving' should be 'seventeenth-century engraving' (adjective).

Best wishes, Donato
Margaret Webber (nee Allison)
25 Chwefror 2009, 09:32
Lovely to be able to see a painting of ancestors. Many years ago (late 50's early 60's) before I came to Canada, I was fortunate enough to have a private viewing at the National in London of another Sir Joshua Reynolds painting of my ancestors. Sincerely, Margaret Webber, Fredericton, NB, Canada
Nôl i hafan Casgliadau Celf Ar-lein

Pori artistiaid

A B C D E F G H I J K L M N O P Q R S T U V W X Y Z i gyd Arall

Pori gwneuthurwyr a chynllunwyr

Pori yn ôl llythyren:

A B C D E F G H I J K L M N O P Q R S T U V W X Y Z i gyd