Casgliadau Celf Arlein
Y Pwll
COROT, Jean-Baptiste Camille (1796 - 1875)
Cyfrwng: olew ar gynfas
Maint: 39.4 x 67.9 cm
Derbyniwyd: 1952; Cymynrodd; Gwendoline Davies
Rhif Derbynoli: NMW A 2442
Casgliad: Casgliad y Chwiorydd Davies
Cyfleu awyrgylch arbennig, nid adrodd stori neu ddangos lle penodol, yw nod y darlun hwn. Mae Corot wedi brwsio’n ysgafn i gyfleu’r golau sy’n newid. Mae’r lliwiau arian golau yn gymysg â fflachiadau cynnil o liw, er enghraifft yng nghapiau’r ffigyrau. Roedd technegau Corot, a ddatblygodd trwy wylio natur yn ofalus, yn sail i dirluniau’r Argraffiadwyr.
Roedd y paentiad olew ymysg y grŵp cyntaf o ddarluniau a brynodd Gwendoline Davies yn Mehefin 1908. Roedd y chwiorydd Davies wedi edmygu gwaith Corot ym Mharis ac roedd ganddynt lyfr amdano. Prynodd Margaret waith arall yn ystod yr un mis, ac aeth y chwiorydd yn eu blaenau i brynu tri arall.