Delweddau Diwydiant

Cafodd yr S.S. ST DAVID, llong ager â thri thyrbin ei hadeiladu ym 1906 gan John Brown & Co. Ltd., Clydesbank ar gyfer cwmni rheilffordd Great Western. Roedd yn un o bedair llong a adeiladwyd rhwng 1906 a 1908 ar gyfer gwasanaeth newydd GWR o Abergwaun i Rosslare. Cafodd y pedair eu defnyddio fel llongau ysbyty yn ystod y Rhyfel Byd Cyntaf, gan gludo milwyr clwyfedig yn ôl o Ffrainc. Adeiladwyd llong arall yn lle’r St David ym 1932, a chafodd ei hailenwi yn Rosslare. Ni pharodd yn hir iawn wedyn, a chafodd ei datgymalu maes o law yng Nghasnewydd ym 1933.