Datganiadau i'r Wasg
Dewch i Ddarganfod os Taw Aur yw Popeth Melyn
Dyddiad:
2005-12-12Pam fod aur yn ddisglair? Pam fod gan rhai pryfed groen symudliw? Beth sy’n gwneud perlau? Pam fod rhai crisialau’n taenu’r golau? Am yr atebion i’r cwestiynau hyn a llawer mwy, beth am alw mewn i Oriel Glanely yn Amgueddfa Genedlaethol Caerdydd dros yr wythnosau nesaf?
Nid Aur yw Popeth Melyn yw thema mis Rhagfyr yn yr oriel ddarganfod, ac mae digonedd o weithgareddau wedi’u trefnu ar gyfer pawb. Rydym yn cynnig gweithgareddau creadigol, yn gwneud addurniadau tymhorol ar sail trysorau daearegol, yn creu lluniau o bryfed amryliw ac yn cymryd rhan yn holl hwyl yr ŵyl.
10 & 11 Rhagfyr – Dewch i ddysgu mwy am drysorau’r ddaear a defnyddiwch y casgliad mwynau i wneud pelen i’w gadw.
18 – 30 Rhagfyr – Pam fod rhai anifeiliaid mor anhygoel o ddisglair? Gwnewch gampwaith celf ar sail beth welsoch chi.
31 Rhagfyr – Gwnewch ddyddlyfr arbennig i gofnodi’ch teimladau yn ystod 2006.
Mae’r oriel hon yn fodd i chi gyffwrdd ac astudio nifer o’n gwrthrychau, a gyda chymorth yr arbenigwyr, adnabod eich casgliadau eich hun. Neu os ydych am wybod mwy am y darganfyddiadau diweddaraf ym myd celf neu archaeoleg, mae gan Oriel Glanely gasgliad helaeth o wybodaeth i’ch cynorthwyo. Mae llond y lle o adnoddau cyfoes.
Mae Amgueddfa Genedlaethol Caerdydd yn un o saith amgueddfa genedlaethol ar hyd a lled Cymru a weinyddir gan Amgueddfa Cymru. Y lleill yw Sain Ffagan: Amgueddfa Werin Cymru, Amgueddfa Lleng Rufeinig Cymru, Caerllion, Big Pit Amgueddfa Lofaol Cymru, Blaenafon, Amgueddfa Wlân Cymru, Dre-fach Felindre, Amgueddfa Lechi Cymru, Llanberis ac Amgueddfa Genedlaethol y Glannau, Abertawe Amgueddfa Cymru yw enw newydd Amgueddfeydd ac Orielau Cenedlaethol Cymru.
Mae mynediad i’r Amgueddfa am ddim diolch i gefnogaeth Llywodraeth Cynulliad Cymru.
Nodiadau i Olygyddion
Am ragor o wybodaeth, ffoniwch:
Siân James, Swyddog y Wasg a Chysylltiadau Cyhoeddus
Amgueddfa Genedlaethol, Caerdydd
Ffôn: 029 2057 3185 / 07970 016058
E-bost: sian.james@amgueddfacymru.ac.uk