Datganiadau i'r Wasg
Gwefan newydd i ddatguddio ein trysorau "cudd"
Dyddiad:
2007-08-31Am 12 o'r gloch ar ddydd Gwener 31 Awst bydd Amgueddfa Cymru'n lansio Rhagor - gwefan newydd a fydd yn datgelu nifer o'r trysorau o gasgliadau ein saith amgueddfa genedlaethol am y tro cyntaf.
Bydd Rhagor yn cynnwys dros gant o erthyglau, mapiau a chwisiau yn ogystal a:
- modelau gwydr manwl o greaduriaid y dyfnfor
- protread minatur o'r 17feg ganrif gyda gwisgoedd ffansi y gallwch eu troslusgo arlein
- meteorau - yr eitemau hynaf yn y casgliadau
- y peth mwyaf a wnaed o aur Cymru
- ffotograffau, atgofion a hanesion personol a anfonwyd gan aelodau o'r cyhoedd.
Mae'r rhain ymysg nifer o eitemau a ddefnyddir ar gyfer ymchwil arbenigol neu sy'n rhy fregus i gael eu harddangos yn y modd confensiynol.
"Dyma gam cyntaf project cyffrous iawn ar gyfer Amgueddfa Cymru" meddai Robin Gwyn, Cyfarwyddwr Cyfathrebu.
"Bydd Rhagor yn datblygu dros amser i gynnwys mwy o erthyglau, delweddau a nodweddion rhyngweithiol eraill a fydd yn gwneud casgliadau, ymchwil ac arbenigedd yr Amgueddfa yn hygyrch yn fyd-eang".
Mae Rhagor yn un o uchafbwyntiau pwysicaf dathliadau canmlwyddiant Amgueddfa Cymru. Bydd modd profi Rhagor, o 31 Awst yn www.amgueddfacymru.ac.uk/Rhagor