Datganiadau i'r Wasg

Yn ystod yr ymweliad, bydd Arglwydd Raglaw Ei Mawrhydi dros Orllewin Morgannwg D. Byron Lewis ac Uchel-Siryf Gorllewin Morgannwg Rowland W. P. Jones yn ymuno a’i Uchelder Brenhinol Dug Caerloyw ac yn cael eu cyflwyno i Lywydd Amgueddfa Cymru, Paul Loveluck a Phennaeth Amgueddfa Genedlaethol y Glannau, Steph Mastoris. Hefyd yn mynychu’r digwyddiad bydd gwesteion blaenllaw o’r Corfflu Hyfforddi Awyr, Dinas a Sir Abertawe a Chyngor Bwrdeistref Nedd Port Talbot.

Mae Amgueddfa Genedlaethol y Glannau yn dathlu ffigurau ymwelwyr gwych eleni ac yn ganlyniad buddsoddiad mawr gwerth miliynau o bunnoedd ar y cyd rhwng Amgueddfa Cymru Dinas a Sir Abertawe a Chronfa Treftadaeth y loteri.

Mae’r adeilad wedi ennill gwobrau ac mae bellach yn gartref i hanes diwydiannol Cymru ac yn ychwanegiad poblogaidd i arlwy diwylliannol Abertawe. Mae Ynyr Amgueddfa gyfres o orielau rhyngweithiol ac ystod o wrthrychau mawr a bach o replica o locomotif stêm gyntaf y byd i esgidiau glaw’r Fonesig Shirley Bassey!

Wrth siarad am yr ymweliad, dywedodd Pennaeth yr Amgueddfa, Steph Mastoris: “Rydyn ni wrth ein bodd, ac yn falch o’r anrhydedd o groesawu Ei Uchelder Brenhinol Dug Caerloyw i’r Amgueddfa ac o gynnal dathliadau 70 mlynedd ffurfio’r Corfflu Hyfforddi Awyr.”

Nodiadau i Olygyddion

Mae croeso i aelodau’r wasg – cysylltwch â Marie Szymonski ymlaen llaw ar 01792 638970 os ydych chi’n bwriadu mynychu.

Diolch i gefnogaeth Llywodraeth Cynulliad Cymru mae mynediad am ddim i’r Amgueddfa.

Mae gan Amgueddfa Cymru saith amgueddfa genedlaethol ar draws Cymru

Amgueddfa Genedlaethol Caerdydd

Sain Ffagan: Amgueddfa Werin Cymru

Amgueddfa lleng Rufeinig Cymru, Caerllion

Big Pit: Amgueddfa Lofaol Cymru, Blaenafon

Amgueddfa Wlân Cymru, Dre-fach

Amgueddfa Lechi Cymru, Llanberis

Amgueddfa Genedlaethol y Glannau, Abertawe