Datganiadau i'r Wasg
Cael cip ar arddangosfa newydd PEEP
Dyddiad:
2012-04-19Mae’n fraint gan Amgueddfa Genedlaethol y Glannau lwyfannu arddangosfa ffotograffiaeth newydd sbon.
Bydd PEEP - Promoting Early European Photography yn cael ei dangos tan 27 Mai gan roi llwyfan i gasgliad o ffotograffau hyfryd o’r 1850au i’r 1930au o waith arloeswyr o Wlad yr Iâ, Slofacia, Lloegr a Chymru.
Trwy gyfrwng mwy na chant o ffotograffau mewn chwe ‘ystafell’ bydd yr arddangosfa’n dangos sut y defnyddiodd yr arloeswyr newydd ym mhob gwlad y dechnoleg ddiweddaraf i gofnodi hanes cymdeithasol, llwyddiannau gwyddonol a thwf diwydiannol ar draws Ewrop.
Mae treftadaeth ddiwydiannol yn ddolen gyswllt rhwng gwaith Robert Jones a Thomas Henry Winterbourn yng nghanolbarth Cymru a’r Mers tra bod delweddau o Penllergaer yn cyd-fynd â datblygiad Abertawe yng nghanol y 19eg ganrif.
Meddai’r curadur Paul Haley: “Roedd ffotograffwyr de Cymru ar flaen y gad yng nghanol y bedwaredd ganrif ar bymtheg wrth ddefnyddio technegau newydd i gynhyrchu delweddau, ond roedd gwaith tebyg yn mynd rhagddo yng ngwledydd eraill Ewrop hefyd.
“Mae’n wych ein bod ni’n medru arddangos gwaith y ffotograffwyr hyn ar lwyfan rhyngwladol ac rydyn ni wrth ein bodd gyda’r ymateb i’r arddangosfa hyd yn hyn.”
Mae’r arddangosfa wedi bod o foddhad arbennig i Hannah Lawson , un o gynorthwywyr oriel yr Amgueddfa. Tra’n gweithio ar yr arddangosfa mewn gweithdy yng Ngwlad yr Iâ, gwnaeth Hannah ddarganfyddiad personol.
Meddai Hannah: “Drwy hap a damwain, dechreuais i edrych ar lyfrau lluniau yn ystod y gweithdy a sylwi ar enw fy hen dad-cu, Valdemar Larsen, a’i ffrind yn label un o’r lluniau.
“Doeddwn i erioed wedi gweld llun ohono yn ?r ifanc, ac roedd e wedi marw cyn i mi gael fy ngeni, felly allwn i ddim bod yn si?r os taw dyna pwy oedd yn y llun, er fy mod i’n gallu gweld tebygrwydd yn yr wyneb.
“Anfonais i gopi o’r llun at fy rhieni, ac roedden nhw’n ei adnabod yn syth.
“Ffotograffydd o Ddenmarc o’r enw Heinrich Tønnies a dynnodd y llun cyn i fy hen daid fudo i’r DU a newid ei enw i swnio’n fwy Prydeinig. Mae’r ffotograff bellach yng nghasgliad Archif Wladol Aalborg.”
Mae Hannah bellach yn ceisio dysgu mwy am y ffrind dienw: “Dyna fy sialens nesa,” meddai “byddai’n wych gallu dysgu mwy a chael darlun cliriach.”
Project addysg oedolion dwy flynedd dan nawdd yr Undeb Ewropeaidd a rhaglen Grundtvig yw PEEP.
DIWEDD
Nodiadau i olygyddion
Am ragor o wybodaeth am Amgueddfa Genedlaethol y Glannau, cysylltwch â Marie Szymonski ar 01792 638970.
Diolch i Lywodraeth Cymru, mae mynediad am ddim i safleoedd Amgueddfa Cymru.
Mae gan Amgueddfa Cymru saith amgueddfa genedlaethol ar draws Cymru
Amgueddfa Genedlaethol Caerdydd
Sain Ffagan: Amgueddfa Werin Cymru
Amgueddfa lleng Rufeinig Cymru, Caerllion
Big Pit: Amgueddfa Lofaol Cymru, Blaenafon
Amgueddfa Wlân Cymru, Dre-fach
Amgueddfa Lechi Cymru, Llanberis
Amgueddfa Genedlaethol y Glannau, Abertawe