Datganiadau i'r Wasg

Hyd yn oed cyn i'r Rhufeiniaid ddod yn agos i Gaerllion, roedd bryngaer llawn Celtiaid ffyrnig a rhyfelgar yn gofalu am y fro. Dewch draw i'r Amgueddfa dros hanner tymor, 24–28 Hydref, i ddysgu rhagor am y bobl yma.

Bydd seren y byd rygbi, Gareth Edwards a Phrif Weinidog Llywodraeth Cynulliad Cymru, y Gwir Anrh. Rhodri Morgan AC yn agor Amgueddfa Genedlaethol y Glannau yn Abertawe heddiw (17 Hydref).

Mae'r paratoadau'n prysuro wrth i Amgueddfa Genedlaethol y Glannau yn Abertawe baratoi i lansio'r Darlun Mawr ar 8 Hydref.

Mae'r Darlun Mawr yn ei chweched flwyddyn erbyn hyn – a bydd dathliad 2005 yn anfon ton o greadigrwydd o Abertawe a ledled y wlad.

Mae'r artist o Gymru Sue Williams yn un o wyth artist sydd wedi'u dewis ar gyfer Artes Mundi, Gwobr Gelf Weledol Ryngwladol Cymru, a gyhoeddwyd heddiw (dydd Mercher, Medi 28).

Sue Williams, sy'n gweithio yng Nghaerdydd, yw'r unig artist o wledydd Prydain i gael ei dewis fel rhan o'r rhestr fer ar gyfer y wobr fawr o £40,000. Mae gwaith Sue Williams yn ymateb angerddol i'r cyflwr dynol; yn ymchwilio i syniadau am ryw, rhywioldeb ac agweddau ar chwant. Gwelir ei gwaith mewn nifer o gasgliadau cyhoeddus gan gynnwys Amgueddfeydd ac Orielau Cenedlaethol Cymru, Oriel Gelf Glynn Vivian a'r Cynulliad Cenedlaethol ynghyd â sawl casgliad preifat ledled y Deyrnas Unedig ac Ewrop.

I ddathlu agor Amgueddfa Genedlaethol y Glannau yn Abertawe, mae'r Amgueddfa ac Oriel Genedlaethol yn cyflwyno arddangosfa gelf sy'n edrych ar y diwydiannau a greodd y Gymru fodern.