Datganiadau i'r Wasg

Gyda'r haul yn disgleirio yn ystod Wythnos Cyn-Ysgol, lle gwell i fynd â'r plantos bach nag Amgueddfa Werin Cymru, 100 acer o awyr iach, caeau gwyrddion, a digon o ymarfer corff i'w blino nhw'n lân erbyn amser gwely? Mae miloedd o blant bach a'u rhieni yn mwynhau mwynder Sain Ffagan bob blwyddyn, ac o'r herwydd mae'r amgueddfa newydd agor maes chwarae arbennig ar gyfer aelodau ieunegaf y teulu.

Ymunwch â'r Amgueddfa ac Oriel Genedlaethol ar 9 Gorffennaf am ddiwrnod o weithgareddau i ddathlu pwysigrwydd gwyddoniaeth, fel rhan o Wyl Wyddoniaeth Caerdydd, sy'n cael ei chynnal am y tro cyntaf eleni o 7

Heno, siaradodd Dr Colin Bailey, Prif Guradur Casgliad Frick enwog Efrog Newydd am lansiad Goleuni a Lliw yn America. Dyma lyfr trawiadol newydd sy'n adrodd hanes casgliad celf Argraffiadol ac Ôl-argraffiadol byd-enwog Amgueddfa Genedlaethol Cymru yng Nghaerdydd. Dywedodd: "Dyma'r llyfr cyntaf ers dros 20 mlynedd ar gasgliad Caerdydd. Fel un sydd wedi bod i Gaerdydd, rydw i wrth fy modd bod Amgueddfa Genedlaethol Cymru wedi lansio'r llyfr yma yn Efrog Newydd. Llongyfarchiadau i'r awdur Ann Sumner a'r Amgueddfa ar y llyfr ardderchog yma."

Yr wythnos ddiwethaf, dathlodd y Pwll Mawr: Amgueddfa Lofaol Genedlaethol Cymru ei hwythnos brysuraf erioed. Rhwng 30 Mai a 5 Mehefin, daeth 6,836 o bobl i'r Pwll Mawr, gwta wythnos ar ôl cyhoeddi mai'r amgueddfa arbennig yma ym Mlaenafon oedd enillydd gwobr fawr Gulbenkian am Amgueddfa'r Flwyddyn.

Bydd Amgueddfa Lechi Cymru Llanberis yn cynnal sioe arbennig ar benwythnos y 18–19 Mehefin eleni i ddathlu penblwydd ei injan stém UNA yn gan mlwydd oed. Bydd y digwyddiad, sy'n sicr o ddenu'r rheini sy'n dotio ar drenau bach, yn gyfle i bobl o bob oed fwynhau hud trenau bach stêm. Caiff ymwelwyr gyfle i deithio ar drenau bach rheilffordd gul sydd wedi eu cynnull ar y safle yn neilltuol ar gyfer y dathliad.

Mis Gwlana yw Mehefin yn yr Amgueddfa Wlân Genedlaethol Dre-fach Felindre, wrth i'r amgueddfa ddathlu un o hen draddodiadau Cymru, gyda chyfres o ddigwyddiadau ar gyfer y teulu cyfan.