Datganiadau i'r Wasg

Mae Amgueddfa Genedlaethol y Glannau yn un o ryw 70 o amgueddfeydd a fydd yn ymddangos mewn cyfres arbennig a gaiff ei darlledu ar BBC 2 yn ddiweddarach yn y mis. Bydd The People's Museum yn dechrau ar BBC 2 ddydd Llun, 15 Mai am 3.30 pm. Bydd pob rhaglen yn edrych ar bedair amgueddfa, gyda phob un yn cyflwyno un eitem arbennig. Caiff y gynulleidfa wahoddiad i bleidleisio dros eu hoff eitem arbennig ym mhob rhaglen a chaiff yr enillydd ei gynnwys mewn rhith People's Museum.

Mae Amgueddfa Genedlaethol Caerdydd yn cychwyn ar un o'r datblygiadau mwyaf yn ei hanes, wrth ail-ddatblygu ac adnewyddu ei horielau celf.

Mae digonedd o adloniant i ddiddanu'r teulu cyfan yn Big Pit ac yn Amgueddfa Lleng Rufeinig Cymru ym mis Mai. Yn ogystal â dathlu Mis yr Amgueddfeydd ac Orielau a'r Wythnos Addysg Oedolion, mae'r ddwy amgueddfa'n cynnig amrywiaeth o weithgareddau a digwyddiadau i chi eu mwynhau.

Mai 2006

Ydych chi erioed wedi meddwl sut mae gwneud ffan lechi neu beth yn union yw patrwm pren? Dewch i Amgueddfa Lechi Cymru yn ystod y mis hwn (mis Mai), i gael gwybod yr ateb. Mis Mai yw mis cenedlaethol Amgueddfeydd — mis arbennig i ddathlu gwaith amgueddfeydd drwy'r wlad ac i ddangos y trysorau sydd ar gael - a bydd yr Amgueddfa yn cynnal llu o weithgareddau!

Un o hoff adeiladau ymwelwyr Sain Ffagan yw Ysgol Maestir o Lambed, Ceredigion. Mae'r ysgol wledig fechan hon, sydd wedi cael ei hadfer yn hyfryd, yn nodweddiadol o ddiwedd oes Victoria pan ddaeth addysg elfennol yn hanfodol i bob plentyn yng Nghymru a Lloegr.

Os yw garddio'n mynd â’ch bryd chi, dewch draw i Oriel Ddarganfod Glanely yn ystod mis Mai. Mae ‘na ddigonedd o ddigwyddiadau ar gael ar gyfer pob oedran! Ac os ydych chi wrthi ar hyn o bryd yn ceisio dewis gyrfa, yna beth am ystyried yr Amgueddfa fel opsiwn? Fel rhan o ddathliadau Wythnos Addysg Oedolion, mae staff yr Amgueddfa ar gael i’ch helpu i wneud eich dewis!