Datganiadau i'r Wasg

Byddwn ni’n codi stêm yn Amgueddfa Wlân Cymru rhwng 10am a 3pm ar ddydd Sadwrn 1 Tachwedd, gyda Diwrnod Modelau Rheilffyrdd. Bydd yn gyfle i ymwelwyr weld modelau 20tr o reilffordd Cilgeran i Aberteifi ac un o Faenorbŷr yn Sir Benfro.

Ah, yr hydref, pan fo’r awyr yn llawn arogl cawl pwmpen, tan gwyllt a... physgod?! Bydd ymwelwyr ag Amgueddfa lleng Rufeinig Cymru dros hanner tymor (27-31 Hydref) yn gweld ochr ddrewllyd, afiach y Rhufeiniaid mewn gweithdai ‘Ych a fi!’ (11am – 4pm gyda’r drysau’n cau am 3.30pm. Codir tâl o £2 y plentyn). Allwch chi stumogi’r diwrnod?

Mae Elisabeth Elias, Llywydd Amgueddfa Cymru wedi cyhoeddi y penodwyd Ymddiriedolwr newydd i Fwrdd yr Amgueddfa.

Mae Elisabeth Elias, Llywydd Amgueddfa Cymru wedi cyhoeddi y penodwyd Ymddiriedolwr newydd i Fwrdd yr Amgueddfa.

Bydd arddangosfa newydd sbon, Lle Dylan, yn agor maes o law yn Amgueddfa Genedlaethol y Glannau, Abertawe.

Mae Lle Dylan wedi’i churadu gan yr artist a hanesydd celf sy’n enedigol o Lundain Ceri Thomas, ac mae’n cyflwyno detholiad o ddelweddau a dehongliadau Ceri dros yr 20 mlynedd diwethaf.

Bob blwyddyn bydd defnyddwyr datgelwyr metel, ffermwyr a cherddwyr yn gwneud darganfyddiadau archaeolegol allai fod â cymaint i’w ddweud am orffennol Cymru. Ond a fyddwn ni’n gwneud y gorau o’r darganfyddiadau?Mae Amgueddfa Cymru mewn partneriaeth â Ffederasiwn Amgueddfeydd ac Orielau Celf Cymru a’r Cynllun Henebion Cludadwy Cymru wedi ennill grant sylweddol gan Gronfa Dreftadaeth y Loteri i wireddu potensial darganfyddiadau newydd. Dyfarnwyd £349,000 i broject Saving Treasures, Telling Stories i weithio gyda darganfyddwyr a chymunedau, gan ategu casgliadau amgueddfeydd cenedlaethol a lleol ar draws Cymru.