Mae chwaraewyr y People’s Postcode Lottery wedi dyfarnu nawdd i Amgueddfa Cymru, er mwyn darparu amrywiaeth eang o arddangosfeydd a gweithgareddau i ymwelwyr ag Amgueddfa Genedlaethol Caerdydd.

Awydd gwneud rhywbeth ychydig yn wahanol ar ddydd Sant Ffolant? Galwch draw i Amgueddfa Genedlaethol y Glannau i glywed Rosie Wilby a gyrhaeddodd rownd derfynol Funny Women yn trafod Gwyddoniaeth Rhyw.

Mae’n bleser gan Amgueddfa Cymru gyhoeddi penodiad Dr Peter Wakelin fel cyfarwyddwr Casgliadau ac Ymchwil newydd y sefydliad. Ymunodd Peter Wakelin â’r Amgueddfa ym mis Ionawr a bydd yng ngofal yr adrannau Celf, Hanes ac Archaeoleg, y Gwyddorau Naturiol a Gwasanaethau Casgliadau.

Bydd cyfle unigryw i ymwelwyr ag Amgueddfa Genedlaethol y Glannau yn Abertawe weld dros 60 o weithiau o lyfrau braslunio yr artist adnabyddus Graham Sutherland mewn arddangosfa arbennig newydd dan y teitl From Darkness into Light: Mining, Metal and Machines.

Wedi digwyddiadau poblogaidd yn y gorffennol, bydd Amgueddfa Genedlaethol Caerdydd unwaith eto yn cynnal diwrnod llawn hwyl o weithgareddau, sgyrsiau ac arddangosiadau arallfydol AM DDIM i’r teulu cyfan ar ddydd Sadwrn 11 Ionawr, 10am-4pm. Mae’n rhan o ddigwyddiadau Stargazing LIVE y BBC, sy’n dangos delweddau gwych o delesgopau mwyaf pwerus y ddaear – a thu hwnt – dros dair noson o ddigwyddiadau seryddol anhygoel.