Datganiadau i'r Wasg

Yn dilyn seremoni’r cyhoeddiad y bydd yr Eisteddfod Genedlaethol yn cael ei chynnal yng Nghaerdydd yn 2018, mae Amgueddfa Cymru yn barod yn troi ei sylw at seremoni gadeirio Eisteddfod 2018. Bydd Amgueddfa Cymru yn dathlu pen-blwydd Sain Ffagan Amgueddfa Werin Cymru yn 70 oed yn 2018, ac i nodi’r achlysur bydd y sefydliad cenedlaethol yn noddi’r gadair, a’r wythnos hon mae’n dechrau’r gwaith o benodi dylunydd neu grefftwr i’w chreu.

Wedi dyddiau o chwilio, mae’r deinosor oedd ar droed yng Nghaerdydd wedi ymddangos yn Amgueddfa Genedlaethol Caerdydd, ac mae’n gyfeillgar wedi’r cyfan, meddai Amgueddfa Cymru.

David Hurn yw un o ffotograffwyr dogfennol mwyaf dylanwadol Prydain. Ac yntau bellach yn byw ac yn gweithio yma yng Nghymru, mae wedi dychwelyd at ei wreiddiau Cymreig – ac yma y bydd ei gasgliad o ffotograffau’n aros diolch i’w rodd hael.

Mae dau ddarganfyddiad o Gymru wedi cyrraedd rhestr fer o 20 darganfyddiad trysor pwysicaf y Deyrnas Unedig. I ddathlu 20 mlynedd ers cyflwyno’r Ddeddf Trysor ym 1996, mae’r Sunday Telegraph yn annog y cyhoedd i bleidleisio dros eu hoff drysor o’r rhestr.

Ail Gynhadledd Gwirfoddolwyr Treftadaeth y DU yn dod i Gaerdydd

Ers dros 70 mlynedd, mae miloedd o ymwelwyr wedi mwynhau crwydro tiroedd Sain Ffagan Amgueddfa Werin Cymru. Bellach, gall ymwelwyr hen a newydd gael blas gwahanol ar yr Amgueddfa diolch i ap newydd. Mae Olion yn mynd â’r defnyddiwr ar daith drwy erddi castell Sain Ffagan, drwy ffaith a ffuglen ac o’r gorffennol i’r presennol.