Mae pob tocyn sydd wedi ei brynu eisioes gan Ticketline UK dal yn ddilys ar gyfer y digwyddiad.

Mae ein Nosweithiau Nadolig yn ôl fis Rhagfyr, a pha ffordd well o ddechrau’r dathlu? Os ydych yn edrych am Nadolig Cymreig traddodiadol i’w gofio, yna cydiwch mewn llusern, gwisgwch yn gynnes a dilyn y seren i Sain Ffagan!

Dewch i ddathlu mewn steil gyda charolau yn y capel, gwasanaeth Plygain traddodiadol yn yr eglwys a band pres ar Lawnt Gwalia. Bydd cyfle i siopa Nadolig yn ein Marchnad Grefftau – cyfle i brynu nwyddau arbennig sydd ddim ar gael ar y stryd fawr.

Bydd cyfle i’r plantos gwrdd â Siôn Corn.  Gallwch ysgrifennu llythyr yn yr ysgoldy, a’i bostio yn swyddfa bost leiaf Cymru. Yna, ewch draw i greu rhywbeth arbennig yn ein gweithdai crefft i’r teulu.

Bydd coed ar y tân, golau ar y goeden, a digon o hwyl Nadoligaidd i bawb!

Tocynnau

 Mae eich tocyn yn cynnwys:

• Canu carolau yn y Capel
• Plygain yn Eglwys Sant Teilo
• Cyfle i gwrdd â Siôn Corn
• Mari Lwyd & Hela'r Dryw
• Ysgrifennu llythyr i Siôn Corn yn yr ysgol Fictoraidd
• Band pres
• Straeon Nadoligaidd
• Traddodiadau Cymreig yr ŵyl
• Gweithdai crefft i’r teulu*
• Parcio (ar ôl 5pm)

*ddim yn cynnwys gweithgareddau Marchnad Grefftau a’r Ffair Draddodiadol
 

Rhaid prynu tocynnau ymlaen llaw ar gyfer y digwyddiad hwn. Mae pris y digwyddiad hwn yn cynnwys parcio.