100 Celf
Dewiswch chi!
Dyma'ch cyfle i ddewis pa weithiau celf yr hoffech eu gweld yn Amgueddfa Genedlaethol Caerdydd ac mewn orielau ledled Cymru.
Rydyn ni wedi dewis 100 gwaith o’r degau o filoedd yng nghasgliadau Amgueddfa Cymru i chi bori drwyddyn nhw. O gerfwaith carreg neolithig i gelf gyfoes newydd, mae'r detholiad yn adlewyrchu amrywiaeth a phrofiad cyfoethog bywyd yng Nghymru.
Ewch i @celfarycyd ar Instagram i bleidleisio dros eich ffefrynnau gan ddefnyddio'r botwm Hoffi. Byddwn yn ychwanegu gweithiau celf newydd bob dydd. Bydd y gweithiau celf fwyaf poblogaidd yn cael eu harddangos yn Amgueddfa Genedlaethol Caerdydd.
Beth yw eich barn chi?
Peidiwch anghofio gadael sylwadau, a rhannu eich barn am y gweithiau celf. Pam ddylen nhw gael eu harddangos, neu pam ddim!
Os ydych chi’n Hoffi gwaith, byddwn yn rhannu mwy o wybodaeth gyda chi.
Bydd curaduron yn ymateb i’r gweithiau mwyaf poblogaidd drwy ychwanegu straeon a rhagor o wybodaeth am y celf a’r artistiaid y mae gennych ddiddordeb ynddynt.
Fel rhan o’n cyfres brojectau Celf ar y Cyd, bydd 100 Celf Cymru yn gofyn i orielau a chynulleidfaoedd ledled Cymru am eu mewnbwn ac yn mynd â’r gweithiau celf ar daith ledled y wlad.
Rhagor o newyddion i ddilyn…