Digwyddiadau

CoedLan – Cwrs Rhaffau Sain Ffagan

Merch ar gwrs rhaffau Sain Ffagan

Dewch i fwynhau cwrs rhaffau cyffrous newydd fry ym mrigau’r coed bedw yn Sain Ffagan Amgueddfa Werin Cymru.

Dringwch, neidiwch, camwch a siglwch eich ffordd drwy’r coed fry uwchben adeiladau Sain Ffagan, cyn cymryd y wifren wib yn ôl i dir cadarn.

Taclwch 18 rhwystr CoedLan, gan gynnwys y boncyff balans, y bont gam, y rhwydi cargo a’r wifren wib.

Archebwch nawr ar gyfer hanner tymor! Nifer gyfyngedig o lefydd ar gael. I archebu ffoniwch 029 2057 3322.

Mae'r cwrs yn costio £10 y pen am un daith lawn o gwmpas y cwrs, sy'n cynnwys gwifren wib 50m i orffen.

Rhaid bod o leiaf 110cm o daldra i gymryd rhan. Rhaid i blant rhwng 110cm a 130cm fod yng nghwmni unigolyn dros 130cm o daldra ac yn 12 oed neu hŷn. Y pwysau trymaf a ganiateir yw 18 stôn.