Proffil Staff Graham Davies

Graham yw Rheolwr Profiad Digidol Amgueddfa Cymru. Ffocws ei waith yw sicrhau allbynnau digidol sy’n gynaliadwy, yn seiliedig ar dystiolaeth ac yn canolbwyntio ar y gynulleidfa. Gan anelu bob amser at ddiffinio llwybrau gwaith effeithlon ar gyfer creu cynnwys, a sianeli addas ar gyfer ystod eang o weithgareddau digidol, mae’n eiriolwr brwd o ystadegau, dadansoddi ac adborth defnyddwyr.

Graham fu’n goruchwylio’r gwaith ar ail-ddylunio llwyddiannus gwefan yr Amgueddfa, sydd wedi bod yn gatalydd ar gyfer gwreiddio sgiliau digidol drwy’r corff. Mae hefyd wedi cydlynu lansiad a gwerthusiad cynllun peilot llwyddiannus rhaglen Realiti Estynedig symudol – y cyntaf o’i math yn y DU.

Yn 2017, gwahoddwyd Graham i gymryd rhan yn rhaglen hyfforddi Transforming Future Museums Academi Amgueddfeydd Ryngwladol y British Council yng Ngwlad Groeg. Yno, bu’n ymgysylltu â nifer o amgueddfeydd a phobl broffesiynol am eu dulliau gweithio a chynyddu effaith, gwytnwch a chynaliadwyedd eu sefydliadau.

Ar hyn o bryd, mae’n gweithio ar fodelau adrodd sy’n helpu i ddiffinio a mesur llwyddiant ar-lein, gan ddefnyddio ystod o ddulliau er mwyn casglu tystiolaeth, profi damcaniaethau a gwerthuso’r effaith ddigidol ar gyfer cynulleidfaoedd a thimau mewnol ar-lein ac mewn orielau.

https://www.linkedin.com/in/graham-davies-1016219/

Twitter: @gd76