LEGO® Build the Change: Gwarchod y Moroedd

Gweithdy Amgueddfa

LEGO® Build the Change: Gwarchod y Moroedd

Oes ganddoch chi ddiddordeb mewn anifeiliaid sy'n byw dan y môr?

Ydych chi am warchod byd natur?

Oes ganddoch chi ddiddordeb mewn gwaith biolegydd morol?

Ydych chi'n caru adeiladu gyda LEGO®?

Ymunwch â ni yn Amgueddfa Genedlaethol Caerdydd i adeiladu’r newid! Mewn gweithdy ymarferol bydd y disgyblion yn dysgu am yr amrywiaeth o fywyd gwyllt morol yng Nghymru a thu hwnt, a'r peryglon sy'n ei wynebu drwy ddefnyddio sbesimenau amgueddfa, astudiaethau achos a gwaith ymchwil gwyddonwyr amgueddfa. Byddan nhw wedyn yn defnyddio'u dychymyg a briciau LEGO® i ddylunio, adeiladu, gwerthuso a rhannu datrysiadau irai o'r problemau mwyaf sy'n wynebu cynefinoedd morol, gan gynnwys llygredd a newid hinsawdd. ⁠

Mae'r Ddaear yn newid yn gyflym dan ddylanwad gweithredoedd dynolryw a'n heffaith ar fyd natur. Cynlluniwyd y gweithdy er mwyn cael y disgyblion i feddwl yn greadigol am y datrysiadau a'r sgiliau angenrheidiol i daclo heriau mwyaf ein hoes, a'u paratoi at y dyfodol.

Mae'r gweithgaredd yn bosib diolch i bartneriaeth rhwng yr Amgueddfa Hanes Natur a'r LEGO Group, fel rhan o'u rhaglen Build the Change. Rhaglen gynaliadwy yw hon sy'n rhoi llais i blant a chyfle iddyn nhw fynegi eu dyhead a'u syniadau am ddyfodol gwell.

Hyd: 1 awr

Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Gwyddoniaeth a Thechnoleg

Mae’r byd o’n cwmpas yn llawn pethau byw sy’n dibynnu ar ei gilydd i oroesi.

Mae meddylfryd dylunio a pheirianneg yn cynnig ffyrdd technegol a chreadigol i ddiwallu anghenion a dymuniadau cymdeithas.

Y Dyniaethau

Mae ein byd naturiol yn amrywiol a deinamig, wedi’i ddylanwadu gan brosesau a gweithredoedd dynol.

Mae dinasyddion gwybodus, hunanymwybodol yn mynd i’r afael â’r heriau a’r cyfleoedd sy’n wynebu dynoliaeth, ac yn gallu cymryd camau ystyrlon ac egwyddorol.

Amgueddfa Genedlaethol Caerdydd

Sut i archebu

I archebu neu i drafod y sesiwn ffoniwch (029) 2057 3240 neu e-bostiwch addysg@amgueddfacymru.ac.uk