Amser Bwyd
Pennog Ffres
Nefyn, Gwynedd
![](/media/36659/DF107039-Resized.jpg)
Bwyteid penwaig wedi’u ffrio gyda thatws wedi’u berwi yn eu crwyn i ginio.
Nefyn, Llŷn, ac Aber-porth, Aberteifi.
Byddid yn ffrio ‘nionod a phenwaig ffres ar gyfer te neu swper.
Nefyn, Llŷn.
Yr oedd bwdram a ‘sgadan yn bryd poblogaidd yn ne sir Aberteifi ar un adeg, e.e.
Brynhoffnant, Aberteifi.
‘Ysgadedyn’ yw’r enw a arferir am herring yn siroedd de Cymru a ‘pennog’ yw’r enw a arferir arno yn siroedd y gogledd. Yr oedd dal y pysgod hyn a’u gwerthu yn ddiwydiant pwysig ym mhentrefi glan y môr yn ystod misoedd yr hydref. Gwerthid hwy o ddrws i ddrws, rhyw saith ohonynt am chwe cheiniog, a defnyddid ceffyl a chart i’w cario o gwmpas y ffermydd cyfagos. Weithiau fe glywid y gwerthwr yn gweiddi rhigwm arbennig, e.e.,
‘ ‘Sgadan Aber-porth
Dau fola ac un corf.’
‘ ‘Sgadan Aber-porth
Dau ened mewn un corf.’
‘Penwaig Nefyn, penwaig Nefyn
‘U cefna fel cefna hen ffarmwrs
A’u bolia fel bolia tafarnwrs – penwaig ffres!’
Y Rysáit
Byddwch angen
- pennog ffres
- saim cig moch
Dull
- Torri pen y pennog i ffwrdd, ei agor a’i lanhau’n drwyadl.
- Ei ffrio mewn saim cig moch nes y bo’r croen wedi crimpio ar y ddwy ochr.