Amser Bwyd
Y Rysáit
Byddwch angen
- pwys o flawd plaen
- chwe owns o lard
- hanner llond llwy de o halen
- llond cwpan te o siwgr
- llond cwpan te o gyrens
- hanner llond llwy de o soda pobi
- hanner peint o laeth enwyn sur
Dull
- Rhwbio’r lard i mewn i’r blawd, ychwanegu’r defnyddiau sych eraill atynt, a’u gwlychu â’r llaeth enwyn (a’r soda pobi wedi’i doddi ynddo) i wneud toes meddal.
- Gyrru’r toes â rholbren i ryw chwarter modfedd o drwch a’i dorri’n deisennau crwn.
- Eu crasu ar y ddwy ochr ar radell neu badell ffrio, wedi’i hirio a’i chynhesu ymlaen llaw.
Pennant, Maldwyn.
Ffilm/Recordiad
Mae teisennau crwn fel hyn wedi bod yn un o hoff brydau amser te'r Cymry ers hanner olaf y bedwaredd ganrif ar bymtheg. Yn gyffredinol, gelwid y danteithion yn unol a'r enw arferid ar y maen neu'r radell o ardal i ardal; gan gynnwys, tishan lechwan, tishan ar y mân, pica bach neu gacenni cri. Welsh cakes yw'r term cyffredin yn y Saesneg. Dyma Rhian Gay yn arddangos sut i baratoi fersiwn cyfoes.
Mae teisennau crwn fel hyn wedi bod yn un o hoff brydau amser te'r Cymry ers hanner olaf y bedwaredd ganrif ar bymtheg. Yn gyffredinol, gelwid y danteithion yn unol a'r enw arferid ar y maen neu'r radell o ardal i ardal; gan gynnwys, tishan lechwan, tishan ar y mân, pica bach neu gacenni cri. Welsh cakes yw'r term cyffredin yn y Saesneg. Dyma Rhian Gay yn arddangos sut i baratoi fersiwn cyfoes.
Mrs Annie Jones, Blaenau, Llanwrda, Dyfed yn gwneud pice bach, 1975
Richard Griffith Thomas o Langynwyd, Morgannwg yn disgrifio'r maen a'r tripat. Ganed Mr Thomas ym 1894.