Amser Bwyd
Hafan Amser Bwyd
Y Rysáit
Byddwch angen
- pwys o flawd plaen
- wyth owns o ymenyn
- chwech owns o siwgr coch, bras
- wyth owns o afalau wedi’u torri’n ‘sglodion mân (shredded apple)
- ychydig o halen
- llaeth
Dull
- Rhwbio’r ymenyn i mewn i’r blawd a chymysgu’r afalau, y siwgr a’r halen drwyddynt.
- Eu gwlychu ag ychydig o laeth a’u cymysgu’n drwyadl i wneud toes gweddol sych.
- Gyrru’r toes â rholbren a’i lunio’n dorth gron.
- Ei chrasu ar y ddwy ochr ar faen gweddol boeth.
- Yna ysgwyd siwgr mân ar ei hwyneb a’i thorri’n ddarnau bach hwylus i’w bwyta.
Gwaelod-y-garth, Morgannwg.
- Dull arall o baratoi’r deisen hon oedd ei chymysgu’n wlypach na’r un a ddisgrifir uchod gan roi wy ynddi, a’i chrasu mewn ffwrn dun (Dutch oven) o flan y tân. Yr oedd hon yn debyg, o ran ansawdd, i’r deisen lap a gresid yn yr un modd.
Pen-tyrch, Morgannwg.
Ffilm/Recordiad
Rhian Gay yn arddangos dull gyfoes o baratoi dinca fala.
Nid yw sylwadau ar gael ar hyn o bryd. Ymddiheuriadau am yr anghyfleustra.