Amser Bwyd

Hafan Amser Bwyd

Whipod

Gŵyr

Cynaeafu yd, Trawsfynydd, gogledd Cymru, Gorffennaf 1909

Cynaeafu yd, Trawsfynydd, gogledd Cymru, Gorffennaf 1909

Cysylltid y pwdin hwn â thymor y cynhaeaf llafur ar y ffermydd ym Mro Gŵyr.  Byddai’r gwragedd yn ei gario allan i’r caeau fel rhan o ginio’r gweithwyr neu fe’i caent i swper gyda bara ‘menyn.

Bro Gŵyr.

Pwdinau

Y Rysáit

Byddwch angen

  • dau lond llwy fwrdd o flawd plaen
  • dau lond llwy fwrdd o siwgr
  • peint o laeth
  • dwy owns o gyrens
  • ychydig o halen
  • talp o ymenyn
  • ychydig o nytmeg
  • owns o bîl

Dull

  1. Cymysgu’r blawd ag ychydig o’r llaeth. 
  2. Rhoi gweddill y llaeth mewn sosban a’i godi i’r berw. 
  3. Pan fo ar fin berwi, ei arllwys ar y cymysgedd blawd ac ychwanegu’r defnyddiau sych eraill atynt.
  4. Arllwys y cymysgedd hwn yn ôl i’r sosban a’i droi’n ddibaid wrth ei ferwi am bymtheng neu ugain munud.
  5. Dylid ei fwyta’n gynnes bob amser.
Nid yw sylwadau ar gael ar hyn o bryd. Ymddiheuriadau am yr anghyfleustra.