Amser Bwyd
Hafan Amser Bwyd
Bara Cyrens
Aberteifi, Ceredigion
Gwneid y bara hwn ar achlysuron arbennig yn unig, e.e., i ddathlu gorffen y cynhaeaf, y Nadolig a’r Flwyddyn Newydd.
Rhydlewis, Aberteifi.
Y Rysáit
Byddwch angen
- saith bwys o flawd gwenith
- owns a hanner o furum
- ychydig o halen
- pwys o gyrens
- dŵr a llaeth (glasdwr) cynnes
Dull
- Cymysgu’r burum ag ychydig o ddŵr cynnes.
- Gweithio’r cyrens drwy’r blawd, gwneud pant yn y canol ac arllwys y burum iddo.
- Gadael i’r burum ‘weithio’ ryw gymaint yn y blawd cyn gwlychu’r toes â glasdwr cynnes a’r halen wedi’i doddi ynddo.
- Tylino’r toes yn dda, a’i adael i godi mewn lle cynnes am ryw awr a hanner.
- Llunio’r torthau a’u crasu yn y dull arferol mewn ffwrn boeth.
Nid yw sylwadau ar gael ar hyn o bryd. Ymddiheuriadau am yr anghyfleustra.