Amser Bwyd

Hafan Amser Bwyd

Poten Dato

Trefdraeth, Sir Benfro

Mrs Elizabeth Thomas yn paratoi poten dato.

Mrs Elizabeth Thomas yn paratoi poten dato. 

Gwneid y deisen hon yn gyffredin yn sir Benfro ac yn sir Aberteifi adeg codi tato yn yr Hydref.  Ar ddiwrnod crasu bara yn y ffwrn frics byddid yn gwneud llond padell fawr ohoni a’i gadael i grasu’n araf yn y ffwrn honno dros nos.  Byddai’r ffwrn yn cadw’i gwres am rai oriau ar ôl gorffen crasu’r bara ynddi.

 

Teisennau

Y Rysáit

Byddwch angen

  • tato
  • llaeth
  • un wy wedi’i guro
  • siwgr
  • cyrens
  • blawd plaen
  • sbeis
  • dŵr
  • ychydig o halen

Dull

  1. Berwi llond sosban o dato mewn dŵr a halen nes eu bod yn ddigon. 
  2. Arllwys y dŵr ohonynt, a’u rhoi mewn dysgl fawr. 
  3. Rhoi talp neu ddau o ymenyn gyda’r tato a’u ‘pwnno’ nes eu bod yn hollol lyfn. 
  4. Yna ychwanegu’r blawd, siwgr a chyrens ac ychydig o sbeis atynt.  (Ni fyddid yn pwyso’r defnyddiau hyn; byddai’r wraig yn eu hychwanegu’n ôl ei chwaeth bersonol hi.) 
  5. Gwlychu’r cyfan â’r wy ac ychydig o laeth nes cael cymysgedd o ansawdd gweddol wlyb.
  6. Iro tun bas, rhoi’r cynnwys hwn ynddo a’i grasu mewn ffwrn weddol boeth.

Trefdraeth, Penfro.

sylw (1)

Nid yw sylwadau ar gael ar hyn o bryd. Ymddiheuriadau am yr anghyfleustra.
Sarah flett
1 Ionawr 2021, 08:07
Loved finding this photo of my great grandmother brought back so many wonderful memories, I was wondering if you had any more photos in your archives of my great grandmother regards sarah