Amser Bwyd

Hafan Amser Bwyd

Rhython

Garnant, Sir Gaerfyrddin

Hel cocos ar draeth Llan-saint. Mrs Lettice Rees, Llan-saint, Sir Gaerfyrddin.

© Margaret Brentnall, London

Y rhidyll, y gocses a'r rhaca - offer hel cocos.

© Margaret Brentnall, London

Arferai gwragedd fynd o gwmpas y tai mewn rhai pentrefi yn ne Cymru i werthu cocos.  Aent o ddrws i ddrws gan gario ‘cocs rhython’ mewn stwc bren ar y pen a ‘chocs cregyn’ mewn basged fawr ar y fraich.  Yr oedd y cocs rhython wedi’u berwi a’u tynnu allan o’u cregyn, ond nid oedd y cocs cregyn wedi’u trin o gwbl.  Gwerthid y naill am tua naw ceiniog y peint a’r lleill am chwe cheiniog y peint.

Pysgod

Y Rysáit

Byddwch angen

  • tua llond mesur chwart o rython
  • llaeth
  • cennin syfi neu bersli wedi’u torri’n fân
  • halen
  • blawd

Dull

  1. Berwi’r rhython yn y llaeth, ychwanegu’r cennin neu’r persli atynt a’u blasu â halen. 
  2. Cymysgu ychydig o flawd mewn llaeth oer, ei arllwys at y gweddill yn y sosban a berwi’r cyfan drachefn. 
  3. Bwyta’r ‘saws’ hwn yn gynnes gyda bara ‘menyn.

Garnant, Caerfyrddin.

Nid yw sylwadau ar gael ar hyn o bryd. Ymddiheuriadau am yr anghyfleustra.