Amser Bwyd

Hafan Amser Bwyd

Cocos ac Wyau

Cricieth, Gwynedd

Coginio'r cocos a'r wyau

Byddid yn bwyta’r cocos a’r wyau gyda brechdan o fara haidd a bara ceirch yn ardal Porthmadog, ac fe’u cyfrifid yn foethyn yno.  Byddai gwragedd Penrhyndeudraeth yn cerdded i Borthmadog gynt i werthu cocos.  Aent o ddrws i ddrws gan ddawnsio a chanu’r rhigwm:

‘Cocos a wya

Bara ceirch tena

Merched y Penrhyn

Yn ysgwyd ‘u tina!’

Pysgod

Y Rysáit

Byddwch angen

  • tua chwart o gocos (yn eu cregyn)
  • dau neu dri wy wedi’u curo
  • saim cig moch
  • pupur du

Dull

  1. Tywallt dŵr dros y cocos mewn sosban a’u codi i’r berw.  (Peidio â’u gor-ferwi gan fod hynny’n peri iddynt fynd yn wydn.)
  2. Tynnu’r cocos allan o’u cregyn, eu golchi’n drwyadl a’u taenu ar liain mawr i’w sychu. 
  3. Yna eu ffrio mewn ychydig o saim cig moch, a’u troi a’u trosi yn y saim cyn tywallt yr wyau arnynt.
  4. Cymysgu’r cyfan â llwy bren wrth eu ffrio, a’u blasu â phupur du.

Cricieth, Caernarfon.

Nid yw sylwadau ar gael ar hyn o bryd. Ymddiheuriadau am yr anghyfleustra.