Gwrthrychau adnoddau cysur ar gyfer cartrefi gofal a gofalwyr
Mae adnoddau Cysur mewn Casglu wedi’u datblygu i gysylltu pobl sy’n byw mewn cartrefi gofal, pobl sydd yn wynebu ynysu cymdeithasol, a phobl sydd yn edrych am gweithgareddau i’w gwneud mewn sesiynau grŵp, â chasgliadau cenedlaethol Cymru. Mae modd lawrlwytho’r adnoddau hyn a’u defnyddio ar gyfer gweithgareddau, neu i sbarduno sgyrsiau ac atgofion.
Gallwch ddefnyddio’r gweithgareddau thema hyn gyda grŵp, ar gyfer trafodaethau un-i-un, neu fel sbardun ar gyfer sgyrsiau hanes bywyd. Maent yn addas i bawb, ond yn rhoi cyfle i ddysgu rhywbeth newydd drwy archwilio casgliadau Amgueddfa Cymru.
Cliciwch o dan y rhagolwg i lawrlwytho pob adnodd. Gallwch eu defnyddio ar sgrin neu eu hargraffu.
Mae pob canllaw gweithgaredd yn cynnwys cwestiynau a syniadau am weithgareddau synhwyraidd i annog sgwrs ac ymgysylltu.
Canllawiau Gweithgareddau
Mae ymuno â phobl eraill debyg i chi i orymdeithio, protestio neu ddathlu yn gallu bod yn gysur. Ydych chi erioed wedi cymryd rhan mewn protest neu ddathliad dros achos sy’n bwysig i chi?
Lawrlwytho Taflen Gweithgaredd (PDF)
Dechreuodd pobl ddofi anifeiliaid filoedd o flynyddoedd yn ôl, ac erbyn hyn maen nhw’n sicr yn rhan o’r teulu. Fuodd gennych chi gi neu anifail anwes erioed?
Lawrlwytho Taflen Gweithgaredd (PDF)
Mae’r tedi yn degan sy’n annwyl i lawer. Oedd gennych chi hoff degan pan yn blentyn?
Lawrlwytho Taflen Gweithgaredd (PDF)
Mae paned o de yn gallu bod yn gysur ar adegau anodd ac ansicr. Sut fyddwch chi’n yfed eich te?
Lawrlwytho Taflen Gweithgaredd (PDF)
Mae bod wrth y môr yn tawelu ac yn llonyddu nifer ohonom. Beth allwn ni ei weld ar lan y môr? Beth ydych chi wedi’i ddarganfod ar lan y môr?
Lawrlwytho Taflen Gweithgaredd (PDF)
Mae’r robin goch yn un o’n hoff adar, ac mae gweld yr aderyn bach yn dod â chysur i lawer. Beth mae gweld robin goch yn ei olygu i chi?
Lawrlwytho Taflen Gweithgaredd (PDF)
Gwyliau - amser i ymlacio. Lle fyddwch chi’n hoffi mynd ar wyliau neu ar drip?
Lawrlwytho Taflen Gweithgaredd (PDF)
Mae cocos, cregyn gleision a bwyd môr yn fwyd sy’n dod â chysur i lawer, ac yn aml yn cael eu bwyta ger y môr. Pa fwyd sy’n dod â chysur i chi?
Lawrlwytho Taflen Gweithgaredd (PDF)
Mae ffasiwn yn ffordd o fynegi’ch hunain, ac yn gysylltiedig â lle ac amser penodol. Sut fyddwch chi’n hoffi gwisgo?
Lawrlwytho Taflen Gweithgaredd (PDF)
