Sgiliau newydd, gwlanen ac amynedd

Ar ôl dwy flynedd o lonyddwch a thawelwch, mae'r Sied Wehyddu yn Amgueddfa Wlân Cymru yn deffro o’i thrwmgwsg, ac mae sŵn peiriannau ar waith unwaith eto yn llenwi'r aer.

Nawr bod y gwaith o lanhau, atgyweirio a gwarchod yr adeilad ac ail-gyflunio'r gofod gwaith y tu mewn wedi’i gwblhau, mae'r gwaith cyffrous o ddysgu sut i weithredu'r peiriannau wedi dechrau.

Cyn i Melin Teifi gau ddwy flynedd yn ôl, Raymond Jones oedd y gwneuthurwr gwlanen Cymreig olaf yng Nghymru; gwlanen sy'n ddiwylliannol bwysig gan ei fod wedi cael ei ddefnyddio'n helaeth i wneud gwisgoedd cenedlaethol a dillad gwaith. Eleni mae Raymond wedi bod yn ein helpu i adfer a thiwnio'r gwŷdd gwlan, gan ei fod wedi bod mewn storfa ac yn segur ers dwy flynedd.

Rydym wedi cynhyrchu ystenaid gwlanaidd sy'n unigryw i Amgueddfa Cymru ac wedi ei glymu ymlaen i'r gwŷdd. Rydym wedi dysgu defnyddio ystof sy'n atal y gwŷdd sy’n lleihau y difrod i’r brethyn os bydd unrhyw un o'r 1,500 o edafedd yn torri ac yn lleihau'n sylweddol yr amser sydd ei angen i drwsio'r brethyn.

Hefyd, gan fod yr edafedd yn edafedd sengl mae'n gofyn am lefel uwch o sgil ac ymwybyddiaeth wrth wehyddu ag ef. Mae gweithio gydag edafedd sengl wedi profi i fod yn eithaf heriol ac mae wedi cyflwyno materion a phroblemau gwahanol i ni sydd wedi herio ein dealltwriaeth o sut mae'r gwŷdd yn gweithio. Mae wedi bod yn brofiad diddorol a gwobrwyol.

Trwy wella ein gwybodaeth a'n dealltwriaeth o sut mae'r gwŷdd yn gweithio, gallwn wneud gwell brethyn. Ein bwriad yw gallu gwneud amrywiaeth o frethyn gwahanol fel gwlanen, brethyn dwbl, a blancedi twil. Bydd hyn yn ein helpu i gynhyrchu incwm i'r amgueddfa a darparu profiad mwy boddhaus i ymwelwyr.

Dros y flwyddyn ddiwethaf, rydym ni fel crefftwyr yn yr amgueddfa wedi dysgu llawer iawn, wedi dod ar draws llawer o rwystrau a heriau yn ogystal â rhai rhwystredigaethau. Y wers orau a ddysgon ni fel tîm oedd ... amynedd!

Eleni, bydd y Sied Wehyddu yn dod yn fyw eto wrth i ni barhau â'r traddodiad o greu gwlanen yma yn Nyffryn Teifi ac edrychwn ymlaen at rannu'r profiad a'r hanes yma gyda chi, ein hymwelwyr!