Lleisiau’r Wal Goch

Poster ar gyfer Sefydliad Alwan. Mae’r geiriau ‘Love is not a crime Qatar 2022’ o flaen cefndir enfys gyda chod QR yn y gornel isaf.

Roedd y penderfyniad i ddyfarnu Cwpan y Byd 2022 i Qatar yn un dadleuol. Roedd cefnogwyr Cymru ymhlith y rhai oedd yn gwrthwynebu polisïau Qatar yn erbyn diogelwch a chynhwysiant LHDTC+, hawliau llafur a hawliau menywod yn ogystal ag effaith amgylcheddol y penderfyniad. Y Wal Goch yw’r enw ar gefnogwyr ein timau pêl-droed cenedlaethol ac maen nhw’n cael eu disgrifio’n aml fel y deuddegfed chwaraewr ar y cae.

Roedd yr arddangosfa hon yn tynnu sylw at rai o bobl a chymunedau’r Wal Goch, gan gyfeirio at ffasiwn, cerddoriaeth, hunaniaeth a gwleidyddiaeth. Mae'r arddangosfa hefyd yn cynnwys eitemau sy'n ymwneud â'r gymuned LHDTC+ a'u cysylltiad â phêl-droed, Wal yr Enfys a Phêl-droed yn erbyn Homoffobia. Gorau chwarae, cyd-chwarae – ac fel cefnogwyr dylen ni fod yn meddwl yn gyson am gydraddoldeb ac yn brwydro drosto yn y gêm drwyddi draw.

Bathodyn pin crwn gydag ymyl aur a chefndir glas tywyll. Ar y bathodyn mae’r geiriau ‘We Belong’ mewn testun gwyn gyda draig goch o flaen tarian enfys oddi tano. O amgylch ymyl y pin mae'r gair ‘Together’ mewn lliw gwyrdd a’r gair ‘Stronger’ mewn lliw coc
Baner Wal yr Enfys. Baner streipiog yn lliwiau’r enfys gyda draig goch mewn arfbais yn y canol. Mae’r geiriau ‘Wal yr Enfys’ a ‘Rainbow Wall’ uwchben y ddraig.