Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Mae tocynnau yn nawr ar werth ar gyfer arddangosfa newydd sbon Amgueddfa Cymru, Streic ’84-'85 Strike, sy’n agor yn Amgueddfa Genedlaethol Caerdydd ar 26 Hydref. Mae’r arddangosfa yn taflu goleuni ar stori hanesyddol Streic y Glowyr a’i effaith hynod ar ein gwlad.
Steic 84-85 Strike: Martin Shakeshaft - www.strike84.co.uk
Am flwyddyn, aeth y glowyr, eu teuluoedd a’r undebau llafur benben â’r llywodraeth. Llywodraeth oedd yn ceisio chwalu grym yr undebau a sicrhau awdurdod. 40 mlynedd yn ddiweddarach, mae effaith Streic y Glowyr yn parhau.
Dywedodd Cyfarwyddwr Casgliadau ac Ymchwil Amgueddfa Cymru, Dr Kath Davies: “Gwnaeth y streic arwain at gydsefyll a chwyldro gwleidyddol digynsail yng Nghymru. Roedd y gost ddynol yn aruthrol: roedd teuluoedd yn dioddef, cymunedau wedi’u rhannu, a dirywiad y diwydiant glo yn parhau.
“O luniau a phlacardiau protest i straeon personol o frawdoliaeth, colled a gobaith, rydym yn falch o gyflwyno’r arddangosfa arbennig hon sy’n cofio blwyddyn dyngedfennol a newidiodd dirlun cymdeithasol, gwleidyddol a daearyddol Cymru am byth.”
Yn nodi 40 mlynedd ers Streic y Glowyr, mae’r arddangosfa yn cofio blwyddyn o chwyldro, calon a chyfeillgarwch. O haf llawn gobaith a gwrthsefyll angerddol, yn arwain at aeaf o drais, caledi a cholli bywoliaeth ledled rhai o gymunedau mwyaf gwydn Cymru.
Mae tocynnau Streic ‘84-85 Strike (26 Hydref 2024 – 27 Ebrill 2024) ar werth o 8 Awst 2024 yma. Mae rhaglen arddangosfeydd Amgueddfa Cymru wedi bod yn bosibl diolch i chwaraewyr People’s Postcode Lottery. DIWEDD Am fwy o wybodaeth, cysylltwch gyda: Eleri Wynne Arweinydd Cyfathrebu, Amgueddfa Cymru Eleri.Wynne@amgueddfacymru.ac.uk
