Datganiadau i'r Wasg
Paentio’r Maes Glo
Dyddiad:
2007-02-15Cynhelir gweithdau yn Big Pit ar 19, 21 a 23 Chwefror (11:00 y bore - 4:00 y prynhawn) er mwyn i ymwelwyr allu dysgu mwy am y diwydiant a dylunio neu paentio'u syniadau nhw eu hunain am fywyd yn y maes glo.
Dywedodd Sharon Ford, Swyddog Addysg Big Pit: Amgueddfa Lofaol Cymru:
"Mae'n weithgaredd sy'n addas ar gyfer y teulu cyfan, a byddwn ni'n annog ymwelwyr i ddefnyddio'u sgiliau creadigol i greu gweithiau celf i'w cadw. Arferai'r artistiaid y byddwn yn eu hastudio ddefnyddio pa bynnag declyn oedd ar gael iddyn nhw gan gynnwys brwsiys, eu bysedd, cadachau a hyd yn oed llwch glo er mwyn cynhyrchu peintiadau, cerfluniau, lluniau a modelau. Byddwn yn arbrofi gyda dulliau a steiliau gwahanol gan ganolbwyntio ar Nicholas Evans, sydd yn enwog am ei luniau tywyll, Vincent Evans a bortreadodd golau o dan y ddaear yn berffaith, yn ogystal â gweithiau Josef Herman a George Brinley Evans."
Bydd teithiau tanddaearol Big Pit ar agor bob dydd yn ystod hanner tymor o 10:00 y bore hyd at 3.30 y prynhawn - cyfle i fynd 300 troedfedd o dan y ddaear. Ffoniwch 01495 790311 am ragor o wybodaeth neu i drefnu taith grwp tanddaearol.