Oriel 1 yn Sain Ffagan Amgueddfa Werin Cymru
![](/media/21006/oriel-1-pec.jpg)
![](/media/21266/sf-consultation-2.jpg)
Cyfrannodd aelodau’r cyhoedd, grwpiau cymuned, ysgolion a grwpiau buddiant arbennig at y gwaith o ailddatblygu’r oriel dan do hon yn 2005. Gan gydweithio ag ymwelwyr hen a newydd, roeddem am greu rhywle lle gallai pobl:
- Ymgysylltu â’r casgliadau, archifau a’u straeon, yn gorfforol a deallusol.
- Arbrofi gyda’r dulliau posibl o gasglu eitemau’r presennol a’r gorffennol yn y dyfodol
- Sicrhau bod y casgliadau’n ystyrlon i holl bobl a diwylliannau amrywiol Cymru
- Creu ystyr o’r arddangosiadau a’r casgliadau, defnyddio atgofion i’w dehongli, a dysgu oddi wrthynt
- Mwynhau arddangosfa y gall pobl gymryd rhan ynddi, ac sy’n rhoi cyfle i’r ymwelwyr fynegi barn, a pharchu hynny
- Canfod llwybrau dysgu fel y gall pobl archwilio y tu hwnt i’r oriel, ac i’r adeiladau hanesyddol ac arddangosiadau eraill
Ar ôl inni agor yr oriel newydd, dywedodd yr ymwelwyr wrthym eu bod yn hoffi:
- Cyfrannu at y broses o weddnewid yr oriel
- Helpu i greu arddangosfeydd cymuned
- Yr oriel ar ei newydd wedd, amrywiaeth yr eitemau sy’n cael eu harddangos, y dulliau gwahanol o ddysgu amdanynt a’r straeon sydd ynddynt
- Ymweld â’r oriel, a’r cyfleoedd i fod yn greadigol a chael hwyl — yn enwedig gwisgo’r dillad gwahanol!
- Cael rhywun wrth law i egluro pethau
- Y gweithgareddau sy’n cael eu trefnu gennym
»
Rhagor o wybodaeth am orielau Sain Ffagan