Gweithdy Amgueddfa
Gweithdy: Synau’r Deinosoriaid
Sut ydyn ni'n gwybod beth oedd deinosoriaid yn ei fwyta? Oedd y T. rex yn chwibanu, yn chwyrnu, neu'n brefu? Ydych chi'n ddigon dewr i fod yn riant deinosor?
Defnyddiwch ffosilau go iawn o gasgliadau'r Amgueddfa i ddysgu mwy am ddeinosoriaid, beth fydden nhw'n ei fwyta, sut fydden nhw'n byw, eu hamgylchfyd a'u cynefinoedd. Rhowch gynnig ar adeiladu nyth, a gweld pa fath o riant fyddech chi.
I gloi, gallwch chi gymryd rhan mewn stori fywiog, swnllyd, am fforest yn oes y deinosoriaid.
Hyd:
1 awr
Tâl:
Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).
Cwricwlwm
Gwyddoniaeth a Thechnoleg
- Mae bod yn chwilfrydig a chwilio am atebion yn hanfodol i ddeall a rhagfynegi ffenomenau.
- Mae’r byd o’n cwmpas yn llawn pethau byw sy’n dibynnu ar ei gilydd i oroesi.
Y Dyniaethau
- Mae ymholi, archwilio ac ymchwilio yn ysbrydoli chwilfrydedd am y byd, ei orffennol, ei bresennol a’i ddyfodol.
Ieithoedd, Llythrennedd a Chyfathrebu
- Mae mynegi ein hunain drwy ieithoedd yn allweddol i gyfathrebu.
- Mae llenyddiaeth yn tanio’r dychymyg ac yn ysbrydoli creadigrwydd.
Amgueddfa Genedlaethol Caerdydd
Sut i archebu
I archebu neu i drafod y sesiwn ffoniwch (029) 2057 3240 neu e-bostiwch addysg@amgueddfacymru.ac.uk
