Project Natur Drefol
Cyfres o weithgareddau rhad ac am ddim yw’r Her Archwilydd Trefol, sy'n gysylltiedig â'r cwricwlwm, ac wedi’u cynllunio i ysbrydoli pobl ifanc i ddarganfod byd natur ac ymchwilio i'r heriau y mae'n eu hwynebu. Mae'r gweithgareddau hyn wedi'u hanelu at ddisgyblion 8-14 oed ac maent yn gysylltiedig â'r Cwricwlwm Cymreig newydd.
Gall y Disgyblion:
- Ddysgu am yr heriau y mae natur yn eu hwynebu drwy ein hwb cynnwys ar-lein.
- Dysgu am yr heriau hyn yn y byd go iawn mewn cyfres o weithgareddau rhyngweithiol a ddyluniwyd i ddod â dysgu’n fyw, y tu allan i'r ystafell ddosbarth.
- Darganfod natur ar garreg eu drws, a'r heriau mae'n eu hwynebu, drwy gwblhau Her Archwilydd Trefol eu hunain.
- Rhannu’u canfyddiadau â gwyddonwyr Amgueddfa Cymru a dod yn eiriolwyr dros y blaned.
Sut Mae Hyn yn Gweithio?
Dewch i gael eich ysbrydoli ar ffyrdd ymarferol o ddod â'r heriau mawr sy'n wynebu natur, a syniadau mawr gwyddoniaeth yn fyw yn ein pecyn ARCHWILIO.
Archwilio: Newid yn yr Hinsawdd
Archwilio: Ymchwiliadau Awyr Agored
Cymerwch gipolwg ar ein tudalennau DARGANFOD i ganfod atebion i'ch cwestiynau mawr am natur a dysgu sut mae gwyddonwyr yn gweddnewid ein dealltwriaeth o fyd natur. Yma, gallwch ymgolli mewn straeon am gasgliadau'r Amgueddfa, gwyddonwyr ac ymchwil.
Darganfod: Newid yn yr Hinsawdd
Helpwch eich disgyblion i ddatblygu eu syniadau a’u cwestiynau un cam ymhellach ac Ymchwilio i natur drefol gyda'u Her eu hunain. Gall disgyblion sy'n cwblhau’r Her wneud cais i rannu eu harchwiliadau yn ystod diwrnod dathlu'r Amgueddfa a chwrdd â gwyddonwyr.
Diolch i bob un o noddwyr y Project Natur Drefol hyd yn hyn am eu haelioni, gan gynnwys y rhai sy'n dymuno aros yn ddienw. Rydym yn cydnabod y rhoddwyr canlynol am eu cyfraniadau rhagorol i'r ymgyrch:
![](/media/52810/thumb_1600/urban-meadow-3.jpg)
Y ddôl drefol yn yr amgueddfa
![](/media/52469/Urban-Nature-project.jpg)
© Slinkachu
![](/media/52808/Untitled-design-56.png)
© Slinkachu
![](/media/52809/thumb_1600/urban-meadow.jpg)
Y ddôl drefol yn yr amgueddfa
Sut i archebu
I archebu neu i drafod y sesiwn ffoniwch (029) 2057 3240 neu e-bostiwch addysg@amgueddfacymru.ac.uk