Pan oedd glo yn frenin: Gweithdy Rhithiol

Gweithdy Rhithiol

Pan Oedd Glo yn Frenin: Cloddio am lo yng Nghymru (Gweithdy Rhithiol)

🔍 Darganfod ac Archwilio

Pa rôl mae'r diwydiant glo wedi'i chwarae yn hanes Cymru?

Dewch i ddysgu am hanes diwydiant glo Cymru a'i rôl wrth lunio Cymru fodern.

Darganfyddwch fwy am y dynion, y menywod a'r plant a oedd yn rhan o'r diwydiant glo yng Nghymru.

✏️ Cymryd Rhan

Dewch i gwrdd ag aelod o Dîm Addysg Big Pit yn y gweithdy rhithwir hwn a chymryd rhan mewn taith rithwir o’r diwydiant glo yng Nghymru. Lawrlwythwch ein tudalen weithgaredd am ddim a'i defnyddio yn ystod y gweithdy!

ℹ️ Ynglŷn â'r sesiwn hon

Mae Pan oedd Glo yn Frenin yn trafod themâu iechyd ac anafiadau ac mae'n cyfeirio rhywfaint at farwolaeth.

Rhowch wybod i ni wrth archebu os oes gennych chi ddisgyblion a allai fod yn sensitif i’r pynciau hyn, ac fe wnawn ein gorau i wneud i bawb deimlo’n gyfforddus

Hyd: 1 awr

Dyddiadau: I ganfod os oes lle, anfonwch enw'r ysgol, nifer y disgyblion a'r flwyddyn addysg, a dyddiadau dewisol at bigpit@amgueddfacymru.ac.uk neu ffoniwch (029) 2057 3650.

Tâl: I'w defnyddio yn yr ysgol - am ddim.

Cwricwlwm

Dyniaethau: Ymholi, archwilio ac ymchwilio yn annog chwilfrydedd am y byd, ei orffennol, ei bresennol a'i ddyfodol. / Mae byd natur yn amrywiol a dynamig, a dan ddylanwad prosesau a gweithgarwch dyn.

Iechyd a lles: Mae sut fyddwn ni'n ymwneud â dylanwadau cymdeithasol yn siapio ein personoliaeth ac yn effeithio ar ein hiechyd a'n lles.

Amcanion dysgu

Adeiladu cnewyllyn gwybodaeth a meithrin y sgiliau i gymhwyso'r wybodaeth honno mewn gwahanol gyd-destunau drwy ddysgu am hanes y diwydiant glo.
Meddwl yn greadigol i ail-fframio a datrys problemau drwy ymchwilio i beryglon gweithio danddaear a chanfod ffyrdd o gadw'r glowyr yn ddiogel.
Datblygu dealltwriaeth o'u diwylliant, eu cymuned, eu cymdeithas a'u byd, ddoe a heddiw, drwy ddysgu am hanes meysydd glo Cymru a'u heffaith ehangach.
Cymhwyso gwybodaeth am effaith diet ac ymarfer corff ar iechyd corfforol a meddyliol drwy ddysgu am fywyd bob dydd plentyn oedd yn gweithio yn y bedwaredd ganrif ar bymtheg.