Gweithdy Amgueddfa

Clowyr Bach: Plant y Maes Glo

Sut oedd bywyd plant gartref, yn yr ysgol ac yn y gwaith yn y 19eg ganrif? 

Pa waith fyddai plant yn ei wneud danddaear? Gyda pha deganau a gemau fydden nhw'n chwarae? Sut mae'r diwrnod ysgol wedi newid? Dewch i ddarganfod hanes plant meysydd glo Cymru mewn gweithdy rhyngweithiol llawn hwyl dan arweiniad ein staff addysg. 

Rydyn ni’n argymell bod y disgyblion yn mynychu mewn gwisg Fictoraidd neu wisg glöwr. 

Hyd: 1 awr
Dyddiadau: I ganfod os oes lle, anfonwch enw'r ysgol, nifer y disgyblion a'r flwyddyn addysg, a dyddiadau dewisol at bigpit@amgueddfacymru.ac.uk neu ffoniwch (029) 2057 3650.
Tâl: Dan arweiniad staff yr Amgueddfa – £40 am hyd at 15 disgybl, £60 am hyd at 35 disgybl. Am ddim i rai ysgolion (gwelwch sut i archebu).

Cwricwlwm

Dyniaethau: Ymholi, archwilio ac ymchwilio yn annog chwilfrydedd am y byd, ei orffennol, ei bresennol a'i ddyfodol.

Iechyd a Lles: Mae sut fyddwn ni'n ymwneud â dylanwadau cymdeithasol yn siapio ein personoliaeth ac yn effeithio ar ein hiechyd a'n lles. 

Ieithoedd, Llythrennedd a Chyfathrebu: Mae ieithoedd yn ein cysylltu ni.

Amcanion dysgu:

  • Arwain a chwarae rolau gwahanol a deall cyfrifoldebau plant yn y bedwaredd ganrif ar bymtheg.
  • Meithrin lles meddyliol ac emosiynol drwy ddatblygu hyder, gwytnwch ac empathi drwy ddysgu am iechyd a lles plant yn y gorffennol a'u bywydau nhw heddiw. 
  • Adeiladu cnewyllyn gwybodaeth a meithrin y sgiliau i gysylltu a chymhwyso'r wybodaeth honno mewn gwahanol gyd-destunau drwy ddysgu am fywyd bob dydd plant oes Fictoria yn y cartref, yr ysgol a'r gwaith. 
  • Datblygu dealltwriaeth o'u diwylliant, eu cymuned, eu cymdeithas a'u byd, ddoe a heddiw, drwy gymharu eu bywydau nhw â bywydau plant yn y bedwaredd ganrif ar bymtheg.
Big Pit Amgueddfa Lofaol Cymru

Sut i archebu

I archebu neu i drafod y sesiwn ffoniwch (029) 2057 3650