Pwyllgorau’r Bwrdd

Diffinnir Bwrdd yr Ymddiriedolwyr yn y Siarter a’r Statudau fel awdurdod yr Amgueddfa ac mae wedi sefydlu nifer o bwyllgorau i’w helpu i gyflawni ei gyfrifoldebau.

Caiff y Bwrdd ddirprwyo unrhyw un neu ragor o’i swyddogaethau i unrhyw un neu ragor o’i bwyllgorau neu i Grwpiau Comisiynu, Ymddiriedolwyr, cyfarwyddwyr neu staff. ⁠⁠

Pwyllgorau’r Bwrdd – Cylch Gorchwyl Cyffredinol

Mae gan Fwrdd yr Ymddiriedolwyr y pwyllgorau a ganlyn:

Y Pwyllgor Cynllunio, Perfformiad ac Adnoddau

Un o bwyllgorau sefydlog y Bwrdd yw hwn. Ei brif rôl yw cynghori’r Bwrdd a sicrhau bod gofalaeth a rheolaethau ariannol yr Amgueddfa yn cael eu harfer yn unol â pholisi’r Amgueddfa fel y mae wedi’i sefydlu gan y Bwrdd a hynny yn unol â’r codau a’r safonau ymarfer a bennir gan Lywodraeth Cymru, Archwilio Cymru a chan gyrff proffesiynol.

Carol Bell yw Cadeirydd y Pwyllgor Cynllunio, Perfformiad ac Adnoddau.

Y Pwyllgor Cynllunio, Perfformiad ac Adnoddau – Cylch Gorchwyl Penodol

Y Pwyllgor Archwilio, Risg a Sicrwydd

Un o bwyllgorau sefydlog y Bwrdd yw’r Pwyllgor Archwilio, Risg a Sicrwydd. Ei brif rôl yw cynghori’r Bwrdd a chefnogi’r Swyddog Cyfrifyddu ar faterion risg, stiwardiaeth ac atebolrwydd ariannol, rheolaeth a llywodraethu.

Hywel John yw Cadeirydd y Pwyllgor Archwilio, Risg a Sicrwydd.

Y Pwyllgor Archwilio, Risg a Sicrwydd – Cylch Gorchwyl Penodol

Y Pwyllgor Penodiadau a Chydnabyddiaeth Ariannol

Un o bwyllgorau sefydlog y Bwrdd yw’r Pwyllgor Penodiadau a Chydnabyddiaeth Ariannol. Ei brif rôl yw goruchwylio’r broses o benodi:

• i’r Bwrdd gan y Bwrdd
• y Cyfarwyddwr Cyffredinol mewn ymgynghoriad â Llywodraeth Cymru
• aelodau allanol ac aelodau cyfetholedig i gwmnïau cyfyngedig yr Amgueddfa ac i Bwyllgorau, Is-bwyllgorau a Grwpiau Cynghori’r Bwrdd.

Rachel Hughes yw Cadeirydd y Pwyllgor Penodiadau a Chydnabyddiaeth Ariannol.

Y Pwyllgor Penodiadau a Chydnabyddiaeth Ariannol - Cylch Gorchwyl Penodol