Y Pwyllgor Cynllunio, Perfformiad ac Adnoddau

Cylch Gorchwyl Penodol

Diben

Un o bwyllgorau sefydlog y Bwrdd yw’r Pwyllgor Cynllunio, Perfformiad ac Adnoddau. Ei brif rôl yw cynghori’r Bwrdd a sicrhau bod gofalaeth a rheolaethau ariannol yr Amgueddfa yn cael eu harfer yn unol â pholisi’r Amgueddfa fel y mae wedi’i sefydlu gan y Bwrdd a hynny yn unol â’r codau a’r safonau ymarfer a bennir gan Lywodraeth Cymru, Archwilio Cymru a chan gyrff proffesiynol.

Dr Carol Bell yw Cadeirydd y Pwyllgor Cynllunio, Perfformiad ac Adnoddau.

Cwmpas

Mewn cydweithrediad â’r Pwyllgor Archwilio, Risg a Sicrwydd, adolygu’r broses o baratoi’r Cyfrifon Blynyddol a sicrhau eu bod wedi’u harchwilio’n briodol gan archwilwyr allanol yr Amgueddfa, yn unol â pharagraff 23.3 o’r Rheoliadau.

⁠Cyfrifoldebau

  • Cymeradwyo llofnodi’r Cyfrifon Blynyddol ar ran y Bwrdd o dan baragraff 17.2 a 17.3 o’r Rheoliadau.
  • Cymeradwyo Cyfrifon Blynyddol.⁠
  • Cytuno ar Gynlluniau Gweithredol drafft cyn i’r Bwrdd eu hystyried a’u cymeradwyo.
  • Monitro perfformiad y sefydliad mewn cysylltiad â’r targedau sydd wedi’u pennu yng Nghynlluniau Gweithredol yr Amgueddfa.
  • Cymeradwyo, monitro a/neu adolygu Cynlluniau a pherfformiad ar gyfer y meysydd canlynol: Casgliadau ac Ymchwil, Rhaglenni Cyhoeddus, Adnoddau Corfforaethol (gan gynnwys Cyllid ac Adnoddau Dynol), TGCh, Digidol, Marchnata a Chyfathrebu, Ystadau, Gwirfoddoli, Gwariant Cyfalaf, Casgliad y Werin Cymru.
  • Argymell a chynghori ar weinyddiaeth Cynllun Pensiwn yr Amgueddfa.
  • Sicrhau cydymffurfiaeth statudol yr Amgueddfa â deddfwriaeth, gan gynnwys, ond heb fod yn gyfyngedig i Safonau’r Iaith Gymraeg, Deddf Llesiant Cenedlaethau’r Dyfodol (Cymru) 2015, Deddf yr Amgylchedd (Cymru) 2016, y Rheoliad Cyffredinol ar Ddiogelu Data, Deddf Cydraddoldeb 2010, Rhyddid Gwybodaeth, a deddfwriaeth berthnasol eraill.
  • Monitro ac adolygu cydymffurfiaeth yr Amgueddfa â deddfwriaeth iechyd a diogelwch a chytuno ar setliad unrhyw hawliadau gan drydydd parti.
  • Goruchwylio datblygiadau project mawr ar draws y sefydliad.⁠
  • Adolygu, yn unol â chais y Bwrdd, unrhyw feysydd polisi pwysig.
  • Adolygu cofnodion cyfarfodydd bwrdd is-gwmni masnachu’r Amgueddfa a monitro cynnydd yn erbyn y targedau a bennwyd.
  • Adolygu cofnodion cyfarfodydd y Bwrdd Datblygu a monitro cynnydd.
  • Ystyried cofrestr risg yr Amgueddfa a sicrhau bod trefniadau priodol ar waith i reoli risg yn briodol o fewn y sefydliad.
  • Monitro proses dileu colledion a thaliadau arbennig.
  • Cyflwyno adroddiad i’r Bwrdd ar gyflawni’r dyletswyddau uchod.

Cyfarfodydd

Bydd y Pwyllgor yn cwrdd yn chwarterol ac yn trefnu’r cyfarfodydd drwy’r Rheolwr Llywodraethu Corfforaethol ar ddyddiadau sy’n briodol ar gyfer cynnal adolygiadau cynllunio, perfformiad ac adnoddau chwarterol. Cynhelir cyfarfodydd pellach os bydd angen.

Aelodaeth

Bydd y Llywydd, y Dirprwy Lywydd a’r Trysorydd, a phob Ymddiriedolwr yn aelodau’r Pwyllgor Cynllunio, Perfformiad ac Adnoddau.

Mae mynychwyr eraill yn cynnwys y Cyfarwyddwr Cyffredinol, y Prif Swyddog Gweithredu, y Cyfarwyddwr Adnoddau Corfforaethol, y Cyfarwyddwr Profiad Ymwelwyr, y Cyfarwyddwr Datblygu Busnes, y Cyfarwyddwr Addysg a Rhaglennu Cyhoeddus, a’r Rheolwr Llywodraethu Corfforaethol.⁠ ⁠⁠