Y Pwyllgor Penodiadau a Chydnabyddiaeth Ariannol

Cylch Gorchwyl Penodol

Diben

Pwyllgor sefydlog sy’n ystyried materion yn ymwneud â rheoli pobl, gwobrwyo, datblygiadau strategol y sefydliad a newid trefniadol ar ran Bwrdd Amgueddfa Cymru yw’r Pwyllgor Penodiadau a Chydnabyddiaeth Ariannol.

Rachel Hughes yw Cadeirydd y Pwyllgor Penodiadau a Chydnabyddiaeth Ariannol.

Cwmpas

Y Pwyllgor Penodiadau a Chydnabyddiaeth Ariannol sy’n goruchwylio’r broses o benodi:

• i’r Bwrdd gan y Bwrdd
• y Cyfarwyddwr Cyffredinol mewn ymgynghoriad â Llywodraeth Cymru
• aelodau allanol ac aelodau cyfetholedig i gwmnïau cyfyngedig yr Amgueddfa ac i Bwyllgorau, Is-bwyllgorau a Grwpiau Cynghori’r Bwrdd.

Cyfrifoldebau

⁠Mae gan y Pwyllgor Penodiadau a Chydnabyddiaeth Ariannol y cyfrifoldebau canlynol:

• Cefnogi’r Llywydd wrth gynnal archwiliadau sgiliau Ymddiriedolwyr, a chynghori ar fylchau sgiliau a chynllunio ar gyfer olyniaeth o fewn y Bwrdd.
• Annog a chefnogi penodi Ymddiriedolwyr sy’n cynrychioli poblogaeth Cymru.
• Sicrhau bod proses o ymgynghori gyda Llywodraeth Cymru ar holl benodiadau Ymddiriedolwyr yn cael ei sefydlu.
• Gellir galw ar Aelodau’r Pwyllgor i eistedd ar baneli dethol ar gyfer penodiadau i’r Bwrdd a phenodiadau gan Lywodraeth Cymru i’r Bwrdd.
• Gyda’r Cyfarwyddwr Cyffredinol, bydd y Pwyllgor yn ystyried cynllunio ar gyfer olyniaeth ac yn adolygu’r strwythur gweithredol yn rheolaidd.
• Mae gan y Cyfarwyddwr Cyffredinol gyfrifoldeb am benodiadau ar lefel Cyfarwyddwr a bydd yn gwahodd y Llywydd a/neu Ymddiriedolwyr eraill i ymuno â’r Panel Penodiadau.
• Bydd y Pwyllgor yn goruchwylio codiadau cyflog i staff.
• Bydd y Pwyllgor yn ystyried a chymeradwyo tâl y tu allan i’r strwythur cyflog cytunedig. Mae angen cymeradwyaeth weinidogol ar gyfer hyn hefyd.

Cyfarfodydd

Bydd y Pwyllgor yn cwrdd o leiaf dwywaith y flwyddyn, a phryd bynnag y bydd angen er mwyn sicrhau y gellir hysbysebu unrhyw swyddi gwag ar gyfer Ymddiriedolwyr, cynghorwyr allanol neu’r Cyfarwyddwr Cyffredinol yn briodol a’u llenwi mewn dull amserol. Bydd cyfarfodydd yn cael eu trefnu drwy’r Rheolwr Llywodraethu Corfforaethol.

Aelodaeth

Bydd y Llywydd, y Dirprwy Lywydd a’r Trysorydd, a hyd at dri Ymddiriedolwr arall yn aelodau’r Pwyllgor Penodiadau a Chydnabyddiaeth Ariannol, ac yn cael eu penodi gan y Bwrdd.

⁠Fel arfer, bydd y Cyfarwyddwr Cyffredinol a’r Cyfarwyddwr Cyllid ac Adnoddau Corfforaethol yn mynychu cyfarfodydd y pwyllgor hwn.⁠ Gall y Pwyllgor wahodd swyddogion, unigolion neu gynrychiolwyr eraill o sefydliadau eraill i fynychu cyfarfodydd llawn neu ran o’i gyfarfodydd.