Hafan y Blog

Miloedd o wyddonwyr ifainc yn astudio'r newid yn yr hinsawdd

Danielle Cowell, 9 Tachwedd 2009

Mae Amgueddfa Cymru yn gweithio gyda 3,600 o wyddonwyr ifainc i archwilio a deall y newid yn yr hinsawdd.

Yn ddiweddar mae bylbiau, potiau ac adnoddau wedi cyrraedd ysgolion a phobl sy'n cael eu haddysgu gartref ledled Cymru yn barod am y diwrnod plannu ar 20 Hydref. Mae rhai ysgolion wedi anfon ffotos hyfryd atom gan ddweud cymaint o gyffro oedd ymhlith y plant.

O nawr tan ddiwedd Mawrth 2010 bydd pob gwyddonydd ifanc yn cofnodi'r tywydd a dyddiadau blodeuo'r bylbiau cennin Pedr a saffrwm fel rhan o astudiaeth hir dymor o effeithiau newidiadau yn y tymheredd ar fylbiau'r gwanwyn. Dechreuodd yr astudiaeth yn 2005 a gobeithio bydd yn para am flynyddoedd lawer i ddod. I weld y canlyniadau hyd yn hyn neu i ymgofrestru am y flwyddyn nesaf ewch i www.amgueddfacymru.ac.uk/scan/bylbiau

Bydd pob disgybl yn gweithio drwy dasgiau Athro'r Ardd cyn cael Tystysgrif Gwyddonydd Gwych. Bydd yr ysgol orau'n ennill taith i fferm cennin Pedr y cwmni Really Welsh a Gwarchodfa Natur Cynffig. Rhodd ar gyfer yr arbrawf hwn gan y cwmni Really Welsh yw'r holl gennin Pedr sydd wedi'u tyfu yng Nghynffig ger Pen-y-bont ar Ogwr.

Cadwch lygad barcud ar y blog i weld adroddiadau ac arsylliadau'r ysgolion neu yn y gwanwyn cewch weld y dyddiadur â lluniau.

Beth am anfon cwestiwn at Athro'r Ardd? Byddai wrth ei fodd yn clywed gennych.

Tagiwyd gyda

Spring Bulbs 

Danielle Cowell

Rheolwr Addysg, Cyfranogiad a Dehongli (ALRC)
Cysylltwch â Danielle Cowell

sylw (2)

Nid yw sylwadau ar gael ar hyn o bryd. Ymddiheuriadau am yr anghyfleustra.
reply to Rosy Marshall
27 Tachwedd 2009, 11:39
Thanks for your supportive comments Rosy. Regarding tree planting, you may have already noticed, but next week the BBC is hoping to beat the world record for tree planting. It's called Tree O'Clock! We are doing some planting at St.Fagans. See the Tree O
Rosymarshal
23 Tachwedd 2009, 09:38
Scientist are working so hard to get appropriate solution to all the arising Climatic problems.Hope we get a correct and best solution for it.The concept of planting trees stated in this post is one of the basic and simplest solution according to me.