Hafan y Blog

Unwaith eto...

Gareth Bonello, 21 Awst 2007

Erbyn hyn, rwy wedi cychwyn ar ychydig o waith maes. Fe gychwynais drwy recordio Sirajul Islam, sy'n wreiddiol o Bangladesh, ond sydd erbyn hyn yn astudio am radd yn y Gymraeg. Mae ganddo hanes diddorol a fydd yn ein harchif ar gyfer ei astudio gan genedlaethau'r dyfodol.

Prosiect arall yw cryfhau'r gornel Ieuenctid yn Oriel 1. Bydd y sgrin sy'n dangos lluniau llonydd o Maes Bs y gorffennol cyn bo hir yn dangos fideo bywiog o ddigwyddiadau 2007. Bydd arwydd cliriach a mwy o wrthrychau e.e. records yng nghesyn gitar Meic Stevens hefyd.

Gyda'r Rhith Amgueddfa'n lansio diwedd mis Awst, mae prosictau ar y gweill ar gyfer hwnnw, sef cofnodi cynnwys y Ddresel Gymunedol bresennol, a chynnwys cyfweliadau gyda pobl ifanc o Faes B wythnos yr Eisteddfod.

Rwy hefyd yn gysylltiedig â phrosiect cyffrous sydd am ail-adeiladu un o dai'r Pentref Celtaidd gyda waliau pridd, cynllun chwyldroadol all droi theoriau archaeolegol wyneb i waered!

Heblaw am hyn i gyd, byddaf yn ymweld ag Amgueddfa Casnewydd dydd Iau i drafod eu harddangosfa bop hwy, ac rwy wedi bod ar deledu a radio Cymraeg i hyrwyddo'r Oriel newydd a fy swydd newydd. Mae pethau'n dechrau poethi!

Tagiwyd gyda

Casglwyr a Chasgliadau 

sylw (3)

Nid yw sylwadau ar gael ar hyn o bryd. Ymddiheuriadau am yr anghyfleustra.
Nic Dafis
4 Medi 2007, 13:57
Eiliaf, braf iawn gweld hwn - ond mae problemau gyda'r sgript Java sy'n rheolu'r sylwadau - dyw e ddim yn hoffi cyd-weithio gyda Safari. Dw i'n eu gweld yn iawn yn Firefox, ond yn Safari mae dim ond hanner gwaelod o neges Rhodri yn ymddangos.
Rhys
31 Awst 2007, 14:57
Swnio'n ddiddorol, edrych ymlaen i ddarllen mwy am y casgliadau newydd.

www.gwenudanfysiau.blogspot.com
Rhodri ap Dyfrig
31 Awst 2007, 14:57
Ai yn Sain Ffagan wyt ti? Mi ofynnodd rhywun pe gallen nhw ddangos poster digwyddiad Pictiwrs yno. Ydi hyn wedi digwydd? Efallai taw yn y gornel ieuienctid mae o...er, ella mod i tu hwnt i ieuienctid erbyn hyn (bw-hw).

Falch o weld blog yma, daliwch ati!