Bob wythnos, byddaf yn gosod lluniau newydd o flodau'r Genhinen wrth iddynt dyfu. Cymharwch nhw â'ch lluniau chi.
Cofiwch gymryd rhan yn y Gystadleuaeth darlunio crocysau i ennill gwobrau!
29 Chwefror 2008. Heddiw gallwch weld bod nifer o'r blodau wedi agor. Mae'n braf gweld eu lliwiau llachar ar ddiwrnod o wanwyn mor gymylog yng Nghaerdydd.
28 Chwefror 2008. Mae fy mlodyn wedi agor yn llwyr nawr. Mae hi'n felyn llachar ac mae ganddi chwe phetal mawr. Mae'n 37cm o daldra. Os edrychwch y tu mewn iddi gallwch weld y stigma a'r antheri.
28 Chwefror 2008. Os edrychwch chi ar y blodyn o'r ochr gallwch weld fod ei siâp yn debyg i drwmped.
26 Chwefror 2008. O'r diwedd mae fy nghenhinen Pedr cyntaf wedi agor! Bydd yn cymryd diwrnod neu ddau i agor yn llwyr. Cyn iddi agor, plygodd ei phen am i lawr.
22 Chwefror 2008. Dyma lun manwl o'r blaguryn. Fel y gwelwch, nid yw wedi agor ac mae wedi'i lapio yn ei gasin. Fe ddylai bwyso am i lawr pan fydd ar fin agor.
22 Chwefror 2008. Mae'r dail yn 25cm o daldra. Maen nhw wedi dechrau agor — er mwyn dal mwy o olau'r haul i ddechrau storio egni. Mae'r blaguryn ychydig yn dalach — mae'n 32cm.
8 Chwefror 2008. Mae'r dail a'r blagur yn 11cm o daldra.
31 Ionawr 2008. Mae'r dail a'r blagur cyntaf yn ymddangos. 4cm o daldra.
sylw - (5)
If the bud didn't tilt downwards the trumpet shaped flower could fill up with rain like a cup - and damage the flower.
Have you noticed that the Daffodils turn their heads throughout the day - so they are always facing the sun?