Casgliadau Arlein

Llythyr oddi wrth Mrs Gwen Owens, Llanrwst, 1960, yn ymwneud yn bennaf â'r 'offrwm' mewn angladdau - "... Carwn i chwi wybod, fod yr arferiad o offrymu mewn angladdau yn y ty yn parhau yn ardaloedd Dinorwic a'r Fachwen [sir Gaernarfon] a'r cylch ..." Anfonwyd Llyfrau Ateb gan Amgueddfa Werin Cymru at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.