Casgliadau Arlein

Llyfr Ateb Amgueddfa Werin Cymru, 1958, yn y Gymraeg gan Evan Thomas Price, Llanrhystud, yn cynnwys nodiadau manwl ar grefftau a chrefftwyr y plwyf rhwng 1738-1902. Ceir nodiadau hefyd am ddau gymeriad lleol sef Deio Rice o Gwm Mabws, Llanrhystud - cyfansoddwr baledi a theiliwr a Mary Hartshorn (bu farw yn 1850). Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.