Casgliadau Arlein

Gwelwn ddau ffigwr benywaidd, Lloegr a Ffrainc yn amddiffyn eu hunain rhag ymosodiad eryr du yr Almaen. Mae'r ddwy mewn gwisg ganoloesol, gyda Lloegr yn dadweinio"i chledd a Ffrainc yn sefyll i wynebu'r gelyn sy'n anrheithio paradwys braf y wlad.

Yn fab i argraffydd, aeth Jackson yn brentis i gwmni lithograffeg yn Leeds cyn mynd i astudio ym Mharis. Bu'n diwtor Darlunio yn Ysgol yr Academi Frenhinol rhwng 1921 a 1939 ac yn Bennaeth Ysgol Byam Shaw rhwng 1926 a 1940. Roedd yn aelod o Glwb Senefelder ac yn ystod y Rhyfel Byd Cyntaf ef oedd yn gyfrifol am lithograffi propaganda ar gyfer y Weinyddiaeth Wybodaeth. Roedd yn allweddol i broject 'The Great War: Britain's Efforts and Ideals', ac yn ddolen gyswllt i'r holl artistiaid a gyfrannodd at y broses brintio.

Mae'r gwaith hwn yn rhan o bortffolio'The Great War: Britain's Efforts and Ideals,'gyfres o 66 print lithograffig eu comisiynu gan y Weinyddiaeth Wybodaeth ym 1917 I ysbrydoli'r cyhoedd, oedd wedi cael digon ar ryfel, a'u hannog i ymroi i'r Frwydr.