Casgliadau Arlein

Mae paentiadau Caroline Walker yn canolbwyntio ar bynciau benywaidd o safbwynt benywaidd, gan wyrdroi syniad hanesyddol byd celf o'r olwg wrywaidd. Mae ei phrif gymeriadau yn fenywod wrth eu gwaith, wrth iddi archwilio eu llafur sy'n aml yn gudd o fewn lleoliadau domestig neu broffesiynol. Yn Cyflyru, mae'r gwyliwr wedi'i leoli y tu allan i ffenest fawr siop trin gwallt, gan edrych i mewn i arsylwi moment dawel a phersonol rhwng y ddwy fenyw y tu mewn wrth i un baratoi i dorri gwallt y llall. Mae'r paentiad yn cyfleu tawelwch yr eiliadau bob dydd y byddwn ni prin yn meddwl amdanynt, tra hefyd yn dathlu'r math o rolau gwasanaethu sy'n cael eu cyflawni gan fenywod yn bennaf.